Lefel 3 UAL Diploma mewn Celf a Dylunio

Gellir cymryd y Diploma Lefel 3 fel Diploma un flwyddyn neu fel Diploma Estynedig dwy flynedd llawn amser. Cynlluniwyd Celf a Dylunio Lefel 3 i’ch darparu gyda’r sgiliau, gwybodaeth a dealltwriaeth sydd eu hangen i symud ymlaen i astudiaeth lefel gradd mewn celf a dylunio. Mae’n rhoi cyfle i bobl sydd â diddordeb yn y celfyddydau gweledol i archwilio, datblygu a phrofi eu creadigrwydd o fewn strwythur cymhwyster sydd yn ysgogol a heriol ac yn cefnogi pontio o addysg bellach i addysg uwch.

Nodweddir y Diploma a’r Diploma Estynedig mewn Celf a Dylunio gan ddysg profiadol, arbrofol ac integredig. Mae’r ddau gymhwyster yn canolbwyntio ar gymhwyso sgiliau ymarferol ac yn cydnabod egwyddorion cyffredin a nodweddion neilltuol disgyblaethau celf a dylunio gwahanol.

Byddwch yn datblygu sgiliau ymarferol, dealltwriaeth ddamcaniaethol ac, yn sgil proses o ailadrodd ac atgyfnerthu, yn datblygu arferion gwaith a fydd yn cefnogi creadigrwydd mewn ystod o weithgareddau ysgogol a chynyddol heriol. Byddwch yn datblygu sgiliau mewn ystod o weithgareddau er mwyn eich galluogi i gyflawni. Byddwch yn cael profiad o weithio mewn 2D a 3D, megis lluniadau o arsylwadau, peintio, Cynllunio gyda Chymorth Cyfrifiadur (CAD), ffotograffiaeth, gwneud printiau cherameg. Ceir cyfleoedd i weithio gydag artistiaid, dylunwyr a chrefftwyr gweithredol. Byddwch yn cymryd rhan mewn gweithgareddau diwylliannol a chyd-destunol ac ymweliadau addysgol i gefnogi eich astudiaethau.


Mae eich rhaglen ddysg yn cynnwys nifer o gymwysterau gan gynnwys Bagloriaeth Cymru.
Mae Coleg Cambria yn ymroddedig i’ch cefnogi i symud ymlaen i gyflogaeth neu Addysg Uwch. Gan hynny, mae pob cwrs yng Ngholeg Cambria yn rhoi’r cyfle i ddatblygu Saesneg a Mathemateg Lefel 2 ac yn ddelfrydol at Radd C/4 TGAU os nad ydych eisoes wedi cyflawni hynny yn yr ysgol/coleg. Bydd hyn yn hybu eich rhagolygon yn y farchnad swyddi ac yn eich galluogi I symud ymlaen I Addysg Uwch.

Bydd myfyrwyr sy'n cwblhau'r cwrs hwn yn llwyddiannus yn ennill y canlynol UAL Lefel 3 Diploma mewn Celf a Dylunio