Ffrangeg - Lefel A

Mae'r cwrs hwn wedi'i gynllunio ar gyfer myfyrwyr sydd â diddordeb a brwdfrydedd dros ddysgu iaith.

Mae'r cwrs Ffrangeg Safon Uwch yn darparu llwybr dilyniant naturiol i fyfyrwyr sydd wedi astudio'r iaith ar lefel TGAU. Mae'r pedwar sgìl o wrando, siarad, darllen ac ysgrifennu yn cael eu datblygu ymhellach ac yn caniatáu i fyfyrwyr gael dealltwriaeth ddyfnach o'r iaith Ffrangeg.

Bydd myfyrwyr yn cael y gefnogaeth a'r anogaeth sydd eu hangen arnynt i ddod yn gyfathrebwyr hyderus, effeithiol ac i gymryd eu lle fel aelodau o’n cymdeithas fyd-eang amlieithog. Yn ogystal ag astudio amrywiaeth o bynciau cyfoes, mae myfyrwyr hefyd yn cael cyfle i gael cipolwg ar fyd sinema a llenyddiaeth Ffrainc.

Rydym yn darparu adnoddau rhagorol i'n myfyrwyr sy'n gwella eu profiad dysgu.


Rydym yn annog ein myfyrwyr i ymweld â Ffrainc a phrofi diwylliant a ffordd o fyw Ffrainc drostynt eu hunain. Oherwydd hyn, rydym yn cynnig cyfleoedd teithio i'n myfyrwyr ac maent yn cael eu hysbysu hefyd o gyfleoedd ar gyfer teithio annibynnol i Ffrainc, efallai ar brofiad gwaith neu gyrsiau astudio dramor. Rydym yn awyddus i roi cyfle i'n myfyrwyr ddefnyddio eu sgiliau iaith yn ymarferol yma yn y coleg. Mae grwpiau bach yn gweithio bob wythnos gyda chymhorthydd iaith dramor yn ogystal â chael llawer o gyfleoedd i drafod a sgwrsio yn eu gwersi.