Mae cyrsiau Safon Uwch llawn amser ac ymarferol sy’n dechrau’r flwyddyn academaidd hon ar gael ar safleoedd Cambria yn Wrecsam, Glannau Dyfrdwy, Llaneurgain a Llysfasi. Gyda thiwtoriaid arbenigol, cyfleusterau o safon fyd-eang a mynediad i’r dechnoleg ddiweddaraf, mae cyrsiau llawn amser yn paratoi myfyrwyr ar gyfer bywyd ar ôl Coleg, boed hynny’n brifysgol, prentisiaeth neu ddechrau gyrfa wych.

Mae gan bob myfyriwr eu Hanogwr Cynnydd eu hun i sicrhau ei fod yn cyflawni trwy gydol ei raglen yn Cambria ac yn aros ar y trywydd iawn. Mae gan y Coleg Dîm Cymorth Ychwanegol ardderchog sy’n gweithio gyda myfyrwyr ag anghenion dysgu ychwanegol i wneud yn siŵr bod ganddyn nhw bopeth sydd ei angen arnynt i gyflawni eu potensial. Mae cymorth bugeiliol ychwanegol ar gael i bob myfyriwr yn y Coleg sy’n cynnwys tîm Gwasanaethau Myfyrwyr cyfeillgar a phrofiadol sy’n darparu cymorth a gwybodaeth, staff iechyd a llesiant, anogwyr gwytnwch, mannau tawel fel hybiau iechyd a llesiant a chymorth iechyd meddwl.

Mae rhwydwaith o fysiau yn cludo myfyrwyr llawn amser i’r chwe safle bob dydd. Mae pob bws yn gollwng myfyrwyr ar dir y Coleg neu gerllaw a gall myfyrwyr fod yn gymwys i deithio am ddim ac mae gan unrhyw fyfyriwr yn unrhyw un o safleoedd Cambria hawl i gasglu brecwast iach AM DDIM o unrhyw un o safleoedd bwyta’r Coleg, Dydd Llun – Dydd Gwener 8am – 9.15 yn.