TGAU Saesneg (Cwrs Carlam)

Dyma gwrs dwys techneg arholiad ac asesu di-arholiad gyda'r nod o'ch symud i radd C o leiaf mewn TGAU Iaith Saesneg (CBAC). Dros 8 wythnos o addysgu, bydd eich darlithydd TGAU Saesneg arbenigol yn dysgu pob un o'r elfennau sy'n rhan o dair uned y TGAU i chi.

Mae’r cwrs yn dechrau gyda chyfle i godi eich gradd Uned 1 (Llafaredd) ac yn parhau trwy Unedau 2 a 3, gan eich paratoi ar gyfer y ddau arholiad ym mis Tachwedd. Bydd y gwersi’n cael eu cyflwyno o bell ac wyneb yn wyneb bob wythnos gyda gwaith i’w wneud yn annibynnol.

Bydd y Rhaglen Cwrs Carlam TGAU hon yn cael ei chyflwyno dros 8 wythnos felly mae presenoldeb rhagorol yn hanfodol er mwyn osgoi disgyn y tu ôl i’r gweddill, a llwyddo yn y pen draw.

Bydd y cwrs yn cael ei gynnal 9 awr yr wythnos. Bydd 3 awr wyneb yn wyneb, 3 awr yn gyfunol (cyfuniad o wyneb yn wyneb ac o bell), a 3 awr yn astudio’n annibynnol i gael eu cwblhau yn eich amser eich hun.