Mynediad i Wallt a Harddwch

Mae Mynediad i Wallt a Harddwch yn cynnig rhaglen wedi’i chefnogi’n llawn i ddysgwyr ar gam cyntaf eu taith addysg bellach yn y sector hwn.

Bydd y rhaglen yn rhoi cyfle i bobl ifanc chwalu unrhyw rwystrau s’n eu hatal rhag dysgu, gan ganiatáu iddyn nhw dyfu a datblygu'n bersonol, yn gymdeithasol ac yn academaidd er mwyn llwyddo i gyflawni eu llawn botensial a symud ymlaen i'w lefel nesaf o ddysgu neu gyflogaeth yn y dyfodol.

Bydd y cwricwlwm craidd yn helpu dysgwyr i ddatblygu eu sgiliau academaidd a'u gwybodaeth am y sector mewn awyrgylch groesawgar.

Bydd datblygu llythrennedd a rhifedd yn ffocws craidd i bob dysgwr ac unwaith y byddan nhw’n barod, bydd y dysgwyr yn cael cyfle i ymgymryd â chymwysterau Sgiliau Hanfodol Cymru mewn Cyfathrebu a Chymhwyso Rhif.

Mae'r cwrs hwn yn cynnig llawer o dasgau ymarferol a fydd hefyd yn helpu i ddatblygu eich sgiliau Mathemateg, Saesneg a Llythrennedd Digidol.

Bydd Anogwr Bugeiliol yn cael eu pennu i ddysgwyr a fydd yn eu cefnogi drwy gydol eu hamser ar y rhaglen. Byddan nhw’n sicrhau bod unrhyw gymorth ADY yn cael ei roi ar waith cyn i ddysgwyr ddechrau a bod unrhyw anghenion cymorth newydd a allai godi yn cael eu hymgorffori yn eu rhaglen er mwyn eu helpu i lwyddo. Mae'r cwrs yn cael ei gefnogi'n llawn i ddiwallu anghenion unigol a gwahaniaethau dysgu.

Mae Mynediad i Wallt a Harddwch yn cael ei gyflwyno dros dri diwrnod.