Tystysgrif Dechnegol Lefel 2 C&G mewn Blodeuwriaeth

Mae’r cwrs hwn yn ddelfrydol ar gyfer myfyrwyr creadigol sydd â diddordeb mewn datblygu gyrfa mewn blodeuwriaeth. Mae’r cwrs yn cynnwys ystod o sgiliau blodeuwriaeth sy’n hanfodol i’r diwydiant blodeuwriaeth, gan gynnwys dyluniadau fel clymu, gosod blodau ar gyfer angladdau a phriodasau.

Byddwch hefyd yn cael cipolwg ar enwau botanegol blodau a phlanhigion, yr amrywiaeth o swyddi sydd ar gael yn y diwydiant a pha sefydliadau sy’n cefnogi gwerthwyr blodau heddiw.

Fel rhan o’r cwrs bydd y myfyrwyr yn mynd ar deithiau ac ymweliadau addysgol diddorol, a phrofiad gwaith.

Mae myfyrwyr yn cael defnyddio cyfleusterau safon uchel, gweithdai ymarferol gydag offer da ynddynt ac adnoddau helaeth ar-lein. Bydd y myfyrwyr yn cael amrywiaeth eang o flodau ffres, cyffredin ac anarferol, deiliach a manion cyffredin fel rhan o’u cwrs.

Bydd dysgu mor hwyliog â phosibl a byddwch yn dysgu drwy amrywiaeth o ddulliau, gan gynnwys darlithoedd a gwaith ymarferol, a byddwch yn defnyddio ystod o dechnoleg dysgu fodern.

Mae Saesneg a Mathemateg yn rhan annatod o’r rhaglen a byddwn yn gweithio gyda chi I wella’ch sgiliau llythrennedd a rhifedd, yn ogystal â rhoi cyfle I chi ailsefyll TGAU Saesneg a Mathemateg , lle bo hynny’n berthnasol.