Mynediad i TG

Mae Mynediad i TG yn cynnig rhaglen sydd wedi’i chefnogi’n llawn i ddysgwyr ar gam cyntaf eu taith addysg bellach mewn TG.

Bydd y rhaglen yn rhoi’r cyfle i bobl ifanc drechu unrhyw rwystrau sydd ganddynt i ddysgu, gan eu galluogi nhw i dyfu a datblygu’n bersonol, yn gymdeithasol ac yn academaidd er mwyn bodloni eu potensial llawn yn llwyddiannus a symud ymlaen i’r lefel nesaf o ddysgu neu gyflogaeth yn y dyfodol.

Bydd y cwricwlwm craidd yn helpu dysgwyr i feithrin sgiliau TG mewn amgylchedd creadigol a chroesawgar.

Bydd datblygu llythrennedd a rhifedd yn ganolbwynt craidd i’r holl ddysgwyr a phan fyddent yn barod, bydd dysgwyr yn cael y cyfle i ymgymryd â chymwysterau Sgiliau Hanfodol Cymru mewn Cyfathrebu a Chymhwyso Rhif.

Mae’r cwrs hwn yn cynnig llawer o dasgau ymarferol a fydd yn helpu eu sgiliau Mathemateg, Saesneg a Llythrennedd Digidol.

Bydd dysgwyr yn cael Anogwr Bugeiliol a fydd yn eu cefnogi yn ystod y rhaglen. Byddant yn sicrhau bod unrhyw gymorth ADY yn ei le cyn i ddysgwyr ddechrau a bod unrhyw anghenion cymorth newydd a allai godi yn cael eu cynnwys yn eu rhaglen i’w helpu i lwyddo. Mae’r cwrs yn cynnig cymorth llawn i fodloni anghenion a gwahaniaethau dysgu unigolion.

Mae Mynediad i TG yn cael ei gyflwyno dros dri diwrnod.