Diploma lefel 3 Sylfaen mewn Busnes (Menter ac Entrepreneuriaeth)

Asesir dwy uned trwy arholiadau:

Mae Uned 2 – Datblygu Ymgyrch Marchnata
Uned 3 – Cyllid Personol a Busnes

yn arholiadau sydd wedi’u gosod trwy’r corff dyfarnu (BTEC Pearson).

Mae’r pedair uned arall yn cael ei hasesu trwy brosiectau bywyd go iawn, gyda myfyrwyr yn rhedeg eu busnes eu hunain (lle byddant yn cymhwyso’u holl wybodaeth o’r tymor cyntaf), lle bydd sgiliau yn cael eu datblygi o ran sgiliau cymdeithasol, yn ogystal â meithrin hyder wrth ddefnyddio sgiliau trafod, gallu cyfathrebu’r tu allan I gylchoedd cymdeithasol, ac edrych ar sut mae busnesau’n gallu bod yn broffidiol yn ogystal â bod yn gyfrifol yn amgylcheddol ac yn foesol.

Mae aseiniadau ysgrifenedig yn seiliedig ar sefyllfaoedd gwaith realistig, gan ddatblygu sgiliau ysgrifennu academaidd hanfodol, yn ogystal ag asesu trwy bodledu, trafodaethau 1 I 1, fideos a chyflwyniadau yn rhan o ddull asesu ymarferol.

5 TGAU gradd C/2 neu uwch gan gynnwys Mathemateg a Saesneg/Cymraeg (Iaith 1af),
neu
fod wedi cwblhau cymhwyster Lefel 2 perthnasol yn llwyddiannus gyda Theilyngdod neu Ragoriaeth, gyda gradd C/4 neu uwch mewn Mathemateg a Saesneg/Cymraeg (Iaith 1af).

Yng Ngholeg Cambria, byddem yn eich annog i wneud eich gorau glas yn eich arholiadau. Y gorau fydd eich graddau, y mwyaf o opsiynau a fydd gennych, ac o ganlyniad efallai y gallech symud ymlaen i gwrs lefel uwch.

Gallai dysgwyr symud ymlaen ymhellach i’r Diploma Estynedig Cenedlaethol Lefel 3 BTEC mewn Busnes (Mentergarwch ac Entrepreneuriaeth) ar ôl cwblhau’r Diploma Sylfaen yn llwyddiannus, wedi llwyddo i ennill gradd Teilyngdod neu uwch.

Mae’r Diploma Estynedig yn gyfwerth â 3 Safon Uwch sy’n galluogi i ddysgwyr symud ymlaen i gyrsiau gradd Addysg Uwch neu brentisiaethau lefel uwch, gan gynnwys Rheoli Busnes, y Gyfraith a Chyfrifeg.

Gall y cymhwyster hwn hefyd arwain at gyfleoedd gyrfa mewn meysydd arbenigol ym myd busnes, fel Cyllid, Adnoddau Dynol, Marchnata, yn ogystal â gyrfaoedd eraill sy’n gysylltiedig â busnes, fel rheoli Gwerthiannau a Rheoli Manwerthu, Rheoli Digwyddiadau, Cyfryngau Cymdeithasol, Rheoli Chwaraeon, dechrau eich busnes eich hun, y Gyfraith, Cyfrifeg, Rheolaeth Ariannol a chymaint o gyfleoedd gyrfa eraill.

Bydd hefyd yn bosibl i ddysgwyr symud ymlaen yn y gwaith ac astudio ar gyfer cymwysterau proffesiynol fel y rhai a gynigir gan sefydliadau siartredig marchnata, cyfrifwyr rheoli a datblygu personél.

Efallai y bydd angen prynu rhestrau cit a gyfer rhai cyrsiau. Gweler y rhestr cit atodedig am ragor o wybodaeth.