Lefel 2 UAL Diploma mewn Celf a Dylunio

Mae’r Diploma Lefel 2 mewn Celf a Dylunio wedi’i lunio i roi’r sgiliau, y wybodaeth a’r ddealltwriaeth sydd eu hangen arnoch chi i symud ymlaen i astudiaeth bellach a hyfforddiant mewn ystod o bynciau celf a dylunio megis celf gain, ffotograffiaeth, dylunio graffeg, ffasiwn, tecstilau, dylunio cynnyrch ac eraill. Mae’r cwrs hwn ar gyfer myfyrwyr sydd ȃ diddordeb mewn celf a dylunio neu bwnc perthnasol, ac sy’n dymuno archwilio ac ymestyn y diddordeb hwn trwy brofiad dysgu llawn amser a throchol.

Bydd y rhaglen dysgu hon yn darparu cyflwyniad i ystod o weithgareddau sy’n hanfodol i ddatblygu a darparu deilliannau celf a dylunio gan gynnwys ymchwilio, datblygu syniadau, defnyddio sgiliau technegol a gwerthuso.

Mae’n rhoi’r cyfle I chi archwilio’r deunyddiau, y dulliau a’r prosesau sy’n cynorthwyo gweithgareddau celf a dylunio a dechrau meithrin sgiliau technegol cysylltiedig. Bydd yn eich paratoi at astudiaeth bellach ar Lefel 3 a gyrfa mewn Celf a Dylunio.

Mae'r cwrs hwn yn cynnwys nifer o unedau Celf a Dylunio amrywiol a byddwch yn meithrin sgiliau trwy ddilyn gweithgareddau gwahanol a fydd yn eich galluogi I gyflawni. Byddwch yn cael profiad o weithio mewn 2D a 3D, fel arlunio o arsylwi, paentio, tecstilau, CAD, ffotograffiaeth, gwneud printiau a serameg.

Bydd cyfleoedd I weithio gydag artistiaid, dylunwyr a chrefftwyr wrth eu gwaith. Byddwch yn cael cyfleoedd I weithio ȃ phobl broffesiynol wrth eu gwaith. Byddwch yn cymryd rhan mewn gweithgareddau diwylliannol a chyd-destunol gyda chymorth ymweliadau addysgol.

Bydd eich rhaglen ddysgu’n cynnwys nifer o gymwysterau. Mae Coleg Cambria wedi ymrwymo i’ch cynorthwyo I symud ymlaen at waith neu addysg uwch. Felly, bydd pob cwrs yng Ngholeg Cambria yn rhoi cyfle I chi feithrin eich sgiliau Saesneg a Mathemateg hyd at lefel 2 ac yn ddelfrydol hyd at gyflawni Gradd C/4 ar lefel TGAU, oni bai eich bod wedi cyflawni hynny eisoes yn yr ysgol/coleg. Bydd hyn yn gwella eich rhagolygon yn y farchnad swyddi a bydd hefyd yn eich galluogi I symud ymlaen I addysg uwch

Bydd myfyrwyr sy'n cwblhau'r cwrs hwn yn llwyddiannus yn ennill y canlynol UAL Lefel 2 Diploma mewn Celf a Dylunio.