Cymraeg (Ail Iaith) - Lefel A

Y flwyddyn Safon Uwch (Y flwyddyn astudio gyntaf)
Mae tri maes astudio yn seiliedig ar asesiadau craidd siarad, darllen, gwrando ac ysgrifennu:
CA1: Astudio ffilm o’r enw PATAGONIA ac arholiad llafar mewn grŵp o 2-3 o bobl yn profi eich astudiaeth o’r ffilm. Mae yna hefyd asesiad byr (unigol) gyda’r arholwr am eich pwnc gwaith cwrs dewisol.
CA2: GWAITH CWRS. Mae hwn wedi’i gynllunio i ddatblygu eich sgiliau ysgrifennu yn syml ond yn effeithiol yn y Gymraeg. Byddwch yn dewis pwnc sy’n eich diddori a’ch ysbrydoli. Mae’n rhaid i’r pwnc dan sylw fod â chysylltiad Cymreig e.e. Cestyll, chwedlau, hanes, diwylliant.
CA3: Arholiad ysgrifenedig yn seiliedig ar RAMADEG a BARDDONIAETH. Byddwch yn ymateb i dri chwestiwn yn profi eich astudiaeth o ramadeg. Byddwch hefyd yn ysgrifennu am gerdd wedi’i dewis o blith 5 cerdd a astudiwyd yn y dosbarth. Mae’r cerddi hyn yn rhai pleserus a chyfredol, a byddant yn galluogi’r myfyriwr i ddysgu termau newydd a gwella eu rhuglder trwy astudio testunau llenyddol yn yr iaith Gymraeg.

Y flwyddyn A2 (Yr ail flwyddyn astudio)
Mae yna dair uned astudio yn yr ail flwyddyn:
CA4: Astudio drama Gymraeg gyfoes o’r enw CRASH. Bydd myfyrwyr yn cymryd rhan mewn arholiad llafar mewn grwpiau ac yn ymateb i gwestiynau sy’n profi eu gwybodaeth am y ddrama. Bydd yna hefyd arholiad unigol yn seiliedig ar astudio themâu Cymreig yn y cwrs. Gelwir hyn yn SYNOPTIG.
CA5: Arholiad ysgrifenedig 2 awr sy’n profi’r meysydd canlynol: Yr Iaith Gymraeg mewn Cymdeithas a Thrawsieithu. Mae’r uned hon yn galw am astudio hanes Cymru: gwleidyddol, cymdeithasol ayb. Mae’r uned hefyd yn ymwneud ag ymarfer y sgìl o drawsieithu – nid cyfieithu – ond dehongli deunydd Saesneg trwy ymateb yn y Gymraeg.
CA6: Arholiad ysgrifenedig 2 awr yn seiliedig ar gyfres o brofion gramadeg, ac adran sy’n profi gwybodaeth ac ymatebion i bedair stori fer Gymraeg gan gynnwys traethawd yn cymharu a chyferbynnu themâu ar draws y cwrs Cymraeg.

Sgiliau: Ceir pwyslais cryf ar sgiliau llafar a gwrando ym mhob gwers a digon o gyfle i weithio mewn parau a grwpiau, gyda’r cynorthwyydd Cymraeg ac yn annibynnol. Datblygir sgiliau ysgrifennu yn systematig trwy gydol y cwrs, yn yr un modd â’r gallu i ddelio â ffurfiau llafar ac ysgrifenedig yr iaith mewn amryw o gyd-destunau.

5 TGAU gradd C/4 neu uwch gan gynnwys Iaith Saesneg / Cymraeg Iaith Gyntaf a Mathemateg.

Sylwch: Ni fydd myfyrwyr sydd wedi astudio TGAU Cymraeg Iaith Gyntaf / Llenyddiaeth Gymraeg (Iaith Gyntaf) yn cael astudio Cymraeg fel ail iaith.

Yng Ngholeg Cambria rydym yn eich annog chi I wneud y gorau gallwch chi yn eich arholiadau. Y gorau yw eich graddau, y mwyaf o opsiynau fydd gennych chi, a gall hyn eich arwain at ennill lle ar gwrs lefel uwch.

Mae pwysigrwydd astudio’r Gymraeg yn amlwg, beth bynnag yw eich uchelgeisiau gyrfaol. Bellach, mae cyflogwyr yn nodi pa mor ddymunol yw cymhwyster yn y Gymraeg wrth geisio am swyddi. Fe allech ddewis astudio’r pwnc hwn er eich mwynhad eich hun, er bod cyfleoedd gyrfa yn cael eu creu yn sgil meddu ar gymhwyster yn y Gymraeg megis addysgu, cyfieithu, dehongli a gweithio gyda busnesau sy’n galw am gyfathrebu yn y Gymraeg.

Mae ieithoedd yn cyfuno’n dda ag unrhyw bwnc yn awr bod mwy o sefydliadau AU yn cynnig mwy o bosibiliadau i barhau i astudio iaith. Mae astudio iaith yn galw am ddychymyg, hunanddisgyblaeth a’r gallu i gyfathrebu. Mae’r rhain yn nodweddion dymunol iawn i ddarpar gyflogwyr.

Efallai y bydd angen prynu gwisg / offer ar gyfer rhai cyrsiau.
Edrychwch ar y rhestr offer I gael rhagor o wybodaeth.