Camu at Cambria

Mae Camu at Cambria yn gwrs sydd wedi’i anelu at y rhai sy’n gadael yr ysgol ac mae’n cael ei gyflwyno dros 3 diwrnod yr wythnos ac mae ar gael ar ein safleoedd Wrecsam a Sir y Fflint.

Os mae rhai o’r datganiadau isod yn berthnasol i chi yna efallai mai dyma’r cwrs cywir i chi:
● Ni wnaethoch chi fynychu ysgol brif ffrwd
● Rydych chi wedi cael eich addysgu gartref
● Ni wnaethoch chi fynychu lleoliad prif ffrwd ac mae angen eich cyflwyno chi i AU yn raddol
● Ni wnaethoch chi sefyll unrhyw arholiadau
● Mae eich graddau TGAU yn isel iawn
● Rydych chi angen cymorth gyda Mathemateg a Saesneg
● Rydych chi’n cael trafferth gyda gorbryder ac iechyd meddwl
● Gwnaethoch chi fethu llawer o’ch addysg
● Rydych chi’n cael trafferth gydag ystafelloedd dosbarth prysur
● Rydych chi eisiau datblygu eich hyder a hunan hyder
● Dydych chi ddim yn canolbwyntio ar lwybr gyrfa

Mae Camu at Cambria yn flwyddyn bontio ac mae’r cwrs wedi’i ddylunio i’ch helpu chi i chwalu’r rhwystrau i ddysgu a datblygu’r sgiliau sydd eu hangen ar gyfer y camau nesaf yn eich taith dysgu, p’un ai fod hynny ar gwrs lefel uwch, Rhaglen Twf Swyddi Cymru+ neu ddechrau yn y byd gwaith. Mae’r cwrs wedi’i ddylunio i annog dysgu y tu hwnt i’r ystafell ddosbarth, i helpu i ddatblygu sgiliau meddal fel hyder, cyfathrebu a gwaith tîm. Yn ystod y tymor olaf bydd sesiynau blasu â chymorth yn cael eu cynnig mewn meysydd galwedigaethol gwahanol i’ch helpu chi i benderfynu ar sector sydd o ddiddordeb i chi.

Mae buddion Camu at Cambria yn cynnwys:
● Dosbarthiadau pwrpasol
● Cymorth dysgu ym mhob sesiwn
● Tiwtoriaid profiadol a chefnogol
● Pontio i’r coleg â chymorth
● Cymorth gan Anogwr Cynnydd yn ystod eich amser ar y rhaglen
● Cyrchu ein hybiau Anghenion Dysgu Ychwanegol a Llesiant
● Tiwtoriaid Mathemateg a Saesneg pwrpasol
● Cwricwlwm sy’n galluogi’r dysgwr i gymryd rhan - fel grŵp byddwch chi’n penderfynu ar rhai o’r unedau rydych chi eisiau eu hastudio.
● Cymwysterau cydnabyddedig a fydd yn eich helpu chi i lwyddo a symud ymlaen

Cymwysterau Camu at Cambria
● Gwobr Dug Caeredin
● Cymhwyster Lefel Mynediad Cyflawniad Ymddiriedolaeth y Tywysog
● Rhaglen Lefel Mynediad 3 mewn Sgiliau Byw a Bywyd - addaswyd i fodloni anghenion y dysgwr