Mynediad Cyfun i Addysg Uwch (AU) - Gofal Iechyd (Dechrau yn Mis Medi)

Cyflawnir y rhaglen drwy asesu parhaus. Mae’r rhan fwyaf o’r cwrs yn waith aseiniadau gyda rhywfaint o brofion wedi’u hamseru neu arholiadau. Byddwch yn ennill credydau wrth gwblhau pob uned astudio’n foddhaol. Mae’n rhaid cael 60 credyd i ennill y Diploma Mynediad i AU, sy’n cynnwys nifer o gredydau gorfodol. Graddau’r credydau cymhwyster lefel 3 yw Llwyddo, Teilyngdod neu Ragoriaeth.

Ar ôl cwblhau’r rhaglen astudio lawn yn llwyddiannus, byddwch yn derbyn Diploma Mynediad I Addysg Uwch – Agored Cymru, sy’n cael ei gydnabod gan ‘QAA’.

TGAU gradd C (4) mewn Saesneg a Mathemateg, gyda gradd D (3) o leiaf yn y pwnc
arall
neu
Lefel 2 AON neu Gyfathrebu, gydag o leiaf Lefel 1 yn y pwnc arall.

Mae profiad mewn lleoliad Gofal Iechyd addas yn ddymunol. Dylai ymgeiswyr fod yn 19
oed neu’n hŷn i astudio'r cwrs hwn.

Fodd bynnag, rydyn ni’n annog oedolion sydd â phrofiad bywyd a gwaith i wneud cais
hefyd, hyd yn oed os nad oes ganddyn nhw’r gofynion mynediad uchod, gan fod pob cais dysgwr yn cael ei asesu yn unigol.

Caiff darpar ymgeiswyr eu hannog i gysylltu â phrifysgolion unigol i gael gwybodaeth am
ofynion mynediad.

Dylai dysgwyr fod wedi ymrwymo i raglen lawn amser lefel 3 a datblygu eu gallu i astudio.

Mae sgiliau TG yn hanfodol gan fod rhan sylweddol o’r cwrs yn cael ei gyflwyno ar-lein.

Cafodd y cymhwyster Gofal Iechyd ei lunio ar gyfer dysgwyr sy’n dymuno symud ymlaen i astudio cyrsiau gradd a dilyn gyrfaoedd yn y sector gofal fel Nyrsio, Bydwreigiaeth, Therapi Galwedigaethol, Radiograffeg neu Reoli Iechyd.

Efallai y bydd angen prynu offer a/neu wisg ar gyfer rhai cyrsiau.