"Mae fy astudiaethau wedi bod yn heriol ar adegau ond mae fy mhynciau wedi rhoi synnwyr o ddiben ac ymrwymiad sydd wedi fy nghymell ac aeddfedu dros y ddwy flynedd diwethaf. Mae'r cymorth arbennig gan y staff wedi fy annog i ddilyn fy uchelgais, a rhoddodd y brwdfrydedd i mi ymgymryd â rolau o fewn y Coleg fel Llywydd y Myfyrwyr. O fis Medi ymlaen, mi fydda i'n dechrau astudio Gwleidyddiaeth a Hanes Modern ym Mhrifysgol Manceinion, ac un diwrnod mi fydda i'n dilyn gyrfa mewn newyddiaduraeth.”
​

"Mi wnes i ddewis astudio'r pynciau yma oherwydd ers yr ysgol uwchradd dwi wedi bod â diddordeb mewn Gwyddoniaeth. Dwi'n mwynhau darganfod sut a pham mae pethau penodol yn adweithio'r ffordd maen nhw a sut rydyn ni wedi gallu defnyddio'r adweithiau yma a'r cemegau yma i fod yn gynaliadwy a byd yn ein byd ni heddiw. Dwi'n gobeithio clywed yn ôl gan brentisiaeth gradd mewn Peirianneg Gemegol yn Unilever, ond fy nghynllun wrth gefn ydy cwblhau fy nghwrs Meistr mewn Peirianneg Gemegol ym Mhrifysgol Manceinion."

"Yn ystod fy amser yng Ngholeg Cambria roeddwn i'n gallu datblygu perthnasau cadarn gyda'r tiwtoriaid yn yr adran Iechyd a Gofal Cymdeithasol. Roeddwn i bob amser yn teimlo fy mod i'n gallu mynd at y staff gydag unrhyw bryderon roeddwn i'n eu hwynebu ac roedd y staff yn fy nghefnogi i hyd eithaf eu gallu. Mae astudio Iechyd a Gofal Cymdeithasol yn y coleg wedi fy mharatoi ar gyfer fy ngham nesaf yn y brifysgol, wrth ddysgu am ystod eang o bynciau o gyflyrau iechyd i ddiogelu."

"Dwi'n byw ar fferm gartref. Mae fy nhad yn dda gyda'r da byw ond ddim mor dda gyda'r peiriannau, felly dyna pam roeddwn i eisiau dysgu'r ochr yna - i gyflwyno rhywbeth newydd i'r fferm - er mi faswn i'n hoffi gweithio dramor rhyw bryd hefyd. Mae yna lwyth o gyfleoedd gyrfa yn y maes astudio yma. Mae'n sector eang gyda llawer o swyddi amrywiol. Dwi'n hoffi'r berthynas sydd gennym ni gyda'r tiwtoriaid yn y coleg, a'r teimlad o gymuned yma yng Ngholeg Cambria."