Ymarfer sy'n Ystyriol o Drawma

Mae deall trawma a’i effaith bosibl yn sail i leoliad, amgylchedd dysgu ac amgylchedd gwaith cynhwysol a chyfannol ddiogel.

Mae’n chwarae rhan hollbwysig mewn meithrin cymuned wydn a chymdeithas gryfach yn y pen draw.

Mae’r hyfforddiant hwn yn dechrau drwy archwilio’r cysyniad o drawma, ei effaith ar anghenion iechyd meddwl amrywiol, a’i effeithiau posibl mewn cyd-destunau addysgol a gydol oes. Yn ogystal, mae'r rhaglen yn ymchwilio i ddatblygiad amgylcheddau dysgu a gwaith cynhwysol a diogel, wedi'u harwain gan egwyddorion hanfodol, strategaethau, a dulliau gweithredu sy'n ystyriol o drawma, gan ddefnyddio lens persbectif sy'n ystyriol o drawma.

Mae’r hyfforddiant yn amlygu sut mae Fframwaith Cenedlaethol Cymru yn cyd-fynd ag ymdrechion ein coleg ac yn dangos ein cydweithrediad â gwasanaethau allanol a rhanddeiliaid.

O ystyried natur y cynnwys, mae'r hyfforddiant yn mynd I'r afael â rhai pynciau a allai fod yn sensitif. Mae sicrhau eich cysur a’ch diogelwch yn hollbwysig ac rydym wedi cymryd camau I ddarparu cymorth os oes angen yn ystod yr hyfforddiant.