Cwrs Gloywi Cyflwyniad i'r Ganolfan Argraffu

Unwaith eto, mae'r Ganolfan Argraffu Ranbarthol yn rhedeg y Cwrs Cyflwyniad i Wneud Printiau hynod boblogaidd. Mae’r cwrs yn addas ar gyfer dechreuwyr neu fel cwrs diweddaru i bobl sy'n dychwelyd i wneud printiau ar ôl cyfnod i ffwrdd.
Ein nod yw cynnig cyfle i chi ddefnyddio gwneud printiau i hybu'ch dawn greadigol.

Mae hwn yn weithdy 10 wythnos i unrhyw un a hoffai roi cynnig ar wneud printiau am y tro cyntaf neu adnewyddu eu sgiliau gwneud printiau mewn amgylchedd stiwdio broffesiynol. Nod y gweithdy yw rhoi cyfres o sesiynau profi ymarferol i chi mewn amrywiaeth o dechnegau creu printiau creadigol.

Dros y 10 wythnos cynhelir sesiynau ar bob un o'r prosesau gwneud printiau canlynol: cerfweddu, intaglio, colagraff, mono a sgrin. Byddwch yn cael eich addysgu gan Hwylusydd Print y Ganolfan Argraffu Ranbarthol sydd â chyfoeth o wybodaeth a dealltwriaeth o argraffu.

Bydd yr holl ddeunyddiau ac offer yn cael eu darparu ac anogir y cyfranogwyr i archwilio eu pwnc a'u dylanwadau creadigol eu hunain drwy gydol sesiynau'r gweithdy.

Gall cyfranogwyr sy'n cwblhau'r rhaglen 10 wythnos symud ymlaen wedyn I'r Gweithdai Canolbwyntio ar Wneud Printiau a’r Gweithdai Artistiaid Gwadd. Gallant hefyd ddefnyddio cyfleusterau mynediad agored y Ganolfan Argraffu Ranbarthol I ddatblygu eu gwaith a'u dealltwriaeth.