Diploma lefel 3 mewn Technolegau Digidol (Llwybr Gyrfaoedd Digidol)

Mae astudio cwrs TG yng Ngholeg Cambria yn eich galluogi i weithio gyda chynhyrchion arloesol a thechnoleg newidiol mewn un o’r sectorau sy’n cynyddu gyflymaf yn y byd. Mae’n eich rhoi yn y sefyllfa gorau posibl i fanteisio i’r eithaf ar yr amgylchedd digidol hwn ac ar eich potensial CHI.

Mae cyfrifiaduron yn rhan o bob agwedd ar ein byd. Gallai gyrfa yn y diwydiant arloesol hwn, sy'n symud yn gyflym, fod yr union beth i chi.

Bydd y cwrs hwn yn rhoi’r sgiliau iawn i chi symud eich gyrfa yn ei flaen, gan sicrhau eich bod yn cael y gymysgedd orau o sgiliau i lwyddo.

Mae’r Diploma Lefel 3 mewn Technolegau Digidol wedi’i lunio i wneud y gorau o’ch potensial a’ch rhagolygon gyrfa. Mae wedi ei fireinio i wella eich sgiliau digidol ac i ddarparu’r cyfle gorau i chi gael prentisiaeth neu swydd pan mae’r cwrs wedi gorffen.

Mae'r meysydd y byddwch chi'n dysgu amdanynt ar y cwrs hwn yn cynnwys -
● Systemau Technoleg Gwybodaeth
● Creu Systemau i Reoli Gwybodaeth
● Defnyddio’r Cyfryngau Cymdeithasol mewn Busnes
● Rhaglennu
● Datblygu Gwefannau
● Datblygu Apiau Dyfeisiau Symudol
● Rheoli Prosiectau TG
● Seiberddiogelwch a Rheoli Digwyddiadau
● Darpariaeth Gwasanaethau TG
● Modelu Data
● Data Mawr a Dadansoddiadau Busnes
● Storio yn y Cwmwl ac Offer Cydweithio
● Rhyngrwyd Pethau

Dyma gwrs dwy flynedd o hyd a fydd yn arwain atoch chi’n ennill Diploma Estynedig Lefel 3 BTEC mewn TG.

Mae ail flwyddyn y cwrs yn canolbwyntio ar raglen TG uwch, a fydd yn darparu cymorth a sgiliau ychwanegol i chi gyda’r nod o symud ymlaen i brentisiaeth neu swydd. Mae’r cwrs hwn, sydd wedi’i gyfoethogi, yn cynnig rhagor o bwyslais ar sgiliau cyflogadwyedd a hyfforddiant sy’n cynnwys profiad gwaith, amgylchedd yr ystafell ddosbarth fel swydd, dillad sy’n addas i’r gwaith, gweithio mewn grwpiau prosiect, gweithgareddau ymgysylltu â chyflogwyr, a meysydd tebyg eraill o sgiliau cyflogadwyedd.

Mae’r cymwysterau ychwanegol canlynol ar gael hefyd -
● Academi ‘Cloud Foundations’ Gwasanaethau Gwe Amazon (AWS)
● Cymhwyso Rhif Sgiliau Hanfodol Cymru
● Cyfathrebu Sgiliau Hanfodol Cymru