Mynediad i AU - Gofal Iechyd

Rhagor o fanylion
Cod y Cwrs	LP00223
Lleoliad	Iâl
Hyd	Llawn Amser, Cwrs Llawn Amser 1 flwyddyn yw hwn. Mae’r cwrs Mynediad yn gwrs modiwlaidd, seiliedig ar gredydau, y gellir ei astudio’n llawn amser dros gyfnod o flwyddyn (34 wythnos academaidd) o fis Medi i fis Mehefin. Mae’r cwrs yn rhedeg (fel arfer dros 4 diwrnod) 9.30am – 2.30pm. Agwedd bwysig o’r rhaglen hon yw eich rheolaeth amser personol eich hun ac mae’n hanfodol eich bod yn cynllunio ymlaen llaw o ran eich dyraniad o astudiaethau yn y dosbarth ac annibynnol, bydd cael cynllun o’r fath ar waith yn eich cefnogi chi a’ch llwyddiant.
Adran	, Iechyd a Gofal Cymdeithasol, Iechyd Meddwl
Dyddiad Dechrau	01 Sep 2026
Dyddiad gorffen	18 Jun 2027

Trosolwg o’r Cwrs

Ydych chi'n barod i wneud gwahaniaeth gwirioneddol ym mywydau pobl a dechrau gyrfa werth chweil ym maes gofal iechyd? Mae'r cwrs blwyddyn Diploma Mynediad i Addysg Uwch llawn amser, wedi'i gynllunio i'ch paratoi ar gyfer astudiaethau prifysgol, gan agor drysau i gyfleoedd cyffrous mewn nyrsio, bydwreigiaeth, therapi galwedigaethol, a phroffesiynau iechyd cysylltiedig eraill.

Beth fyddwch chi’n ei ddysgu
Nod y diploma yw eich arfogi â'r wybodaeth a'r sgiliau sydd eu hangen ar gyfer astudio ar lefel prifysgol ac mae'n cynnwys amrywiaeth o bynciau diddorol a sgiliau craidd hanfodol. Gallwch chi archwilio modiwlau fel:

* Anatomeg a Ffisioleg: Deall sut mae'r corff dynol yn gweithio.
* Cymdeithaseg/Seicoleg: Archwilio agweddau cymdeithasol a seicolegol iechyd.
* Astudiaethau Iechyd: Ymchwilio i bynciau allweddol sy'n gysylltiedig ag iechyd.
* Sgiliau Cyfathrebu: Datblygu cyfathrebu effeithiol sy'n hanfodol ar gyfer lleoliadau gofal iechyd.
* Sgiliau Astudio: Dysgu technegau hanfodol ar gyfer llwyddiant academaidd.

Byddwch chi hefyd yn datblygu sgiliau craidd, gan gynnwys:
* Cyfathrebu
* Sgiliau Astudio
* Rhifedd

Bydd eich tiwtor yn rhoi cyngor i chi ar ba fodiwlau sy’n berthnasol i’ch taith dysgu.

Gofynion Mynediad

TGAU gradd C/4 mewn Saesneg/Cymraeg (Iaith Gyntaf) neu Fathemateg, gyda gradd D/3 o leiaf yn y pwnc arall
neu
Lefel 2 AON neu Gyfathrebu, gyda Lefel 1 o leiaf yn y pwnc arall.

Mae profiad mewn lleoliad Gofal Iechyd addas yn ddymunol. Dylai ymgeiswyr fod yn 19+ oed i astudio’r cwrs hwn.

Fodd bynnag, rydym yn annog oedolion sydd â phrofiad bywyd a gwaith i wneud cais o hyd, hyd yn oed os nad oes ganddynt y gofynion mynediad uchod gan fod pob cais dysgwr yn cael ei asesu ar sail unigol.

Anogir darpar ymgeiswyr i gysylltu â phrifysgolion unigol i gael gwybodaeth am ofynion mynediad. Mae llawer o gyrsiau gradd Nyrsio yn gofyn am TGAU ar C/4 neu uwch mewn Mathemateg a Saesneg.

Efallai y cewch gyngor i gofrestru ar y cwrs Paratoi ar gyfer Gyrfa ac Astudio neu ESWS cyn dechrau’r cwrs Mynediad. Mae’r rhaglenni hyn yn rhoi’r cyfle i chi sefyll TGAU mewn Mathemateg neu Saesneg.

Sut byddwch yn cael eich asesu

Bydd eich cynnydd yn cael ei asesu drwy asesiad parhaus, yn bennaf gwaith aseiniadau, ynghyd â rhai profion wedi’u hamseru ac ymarfer arholiadau. Byddwch yn ennill credydau ar ôl cwblhau pob uned yn foddhaol. I gael Diploma Mynediad i Addysg Uwch Agored Cymru, sy’n cael ei gydnabod gan ‘QAA’, bydd angen i chi ennill 60 credyd, gan gynnwys nifer o gredydau gorfodol. Caiff credydau Lefel 3 eu graddio fel Llwyddo, Teilyngdod, neu Ragoriaeth, gan adlewyrchu eich cyflawniadau.

Eich llwybr gyrfa yn y dyfodol

Ar ôl cwblhau’r diploma hwn yn llwyddiannus, byddwch chi wedi’ch paratoi’n dda i ddilyn cyrsiau gradd a dechrau gyrfa foddhaol yn y sector gofal.

Gall y cymhwyster hwn arwain at swyddi mewn:
* Nyrsio
* Bydwreigiaeth
* Therapi Galwedigaethol
* Ymarfer Adran Lawdriniaethau (ODP)
* A llawer o Broffesiynau Cysylltiedig ag Addysg.

Mae galw mawr am weithwyr proffesiynol medrus yn y diwydiant gofal iechyd yn y DU, sy’n golygu bod cyfleoedd swyddi cadarn ar gael o fewn y GIG a’r sector gofal preifat.

Cost

Lawrlwythiadau Defnyddiols

Barod i ddechrau ar eich taith?

Ein diwrnodau agored

Mae ein Diwrnodau Agored yn gyfle i chi archwilio’r Coleg a darganfod yr ystod o gyrsiau sydd ar gael i chi.

Digwyddiadau Agored Mis Mawrth – Llaneurgain

14/03/2026

Mae ein Digwyddiadau Agored yn gyfle perffaith i chi gael cip o amgylch y safle a chael yr holl wybodaeth sydd ei hangen arnoch chi i benderfynu ar eich cam nesaf.

Digwyddiadau Agored Mis Mawrth – Llysfasi

07/03/2026

Mae ein Digwyddiadau Agored yn gyfle perffaith i chi gael cip o amgylch y safle a chael yr holl wybodaeth sydd ei hangen arnoch chi i’ch helpu i benderfynu ar eich cam nesaf.

Digwyddiad Agored Hygyrch – Glannau Dyfrdwy a Chweched Glannau Dyfrdwy

13/11/2025

17:00

Mae pobl niwroamrywiol sy’n dymuno astudio yn Cambria yn cael eu gwahodd i’n Digwyddiadau Agored Hygyrch. Dyma’r cyfle perffaith i weld popeth sydd gan Cambria i’w gynnig mewn lleoliad sy’n cefnogi’r synhwyrau.