Ymwybyddiaeth o droseddau â chyllyll

📅 Dydd Sadwrn 28 Chwefror

⏰ 10.00am – 11.30am

📍 Coleg Cambria Ffordd y Bers, Wrecsam

Gwybodaeth am y sesiwn

Nod y digwyddiad cymunedol hwn yw cynyddu ymwybyddiaeth a dealltwriaeth ynghylch troseddau â chyllyll ac arfau ymosodol, y gyfraith sy’n gysylltiedig â nhw, a’r canlyniadau bywyd go iawn y gall eu defnydd eu cael ar unigolion, teuluoedd a chymunedau.

Bydd y sesiwn yn archwilio:

Beth sy’n cyfrif yn gyfreithiol fel arf ymosodol

Y cyfreithiau a’r cosbau sy’n ymwneud â meddiant a defnyddio

Effaith ehangach troseddau â chyllyll a digwyddiadau sy’n gysylltiedig ag arfau

Sut y gall ymwybyddiaeth, addysg a gweithredu cynnar helpu i gadw pobl yn ddiogel

Mae’r sesiwn hon yn addas ar gyfer oedolion, rhieni, gofalwyr, ac unrhyw un sydd â diddordeb mewn diogelwch y gymuned ac atal troseddu.

Bydd y sesiwn yn gorffen gyda gweithdy cymorth cyntaf ymarferol sy’n canolbwyntio ar adnabod ac ymateb i waedu sy’n peryglu bywyd.

Bydd cyfranogwyr yn dysgu:

Sut i adnabod gwaedu difrifol

Pa gamau gweithredu uniongyrchol all achub bywyd cyn i’r gwasanaethau brys gyrraedd

Sut i gymhwyso technegau rheoli gwaedu effeithiol

Dyma sesiwn ymarferol sy’n defnyddio modelau cymorth cyntaf, gan alluogi cyfranogwyr i ymarfer technegau mewn amgylchedd diogel a chefnogol.

🧤 Darperir ffedogau a menig

⚠️ Rhybudd cynnwys:

Mae’r sesiwn yn trafod ac arddangos anafiadau difrifol.

Gall unrhyw un sy’n anghyfforddus gyda delweddau o glwyfau neu waed adael cyn i’r rhan yma ddechrau.

Pam mynd i’r sesiwn?

Gall gwybod y gyfraith atal canlyniadau sy’n newid bywyd.

Gall gwybod cymorth cyntaf atal colli bywyd.

Mae’r sesiwn hon yn cyfarparu unigolion gyda gwybodaeth, ymwybyddiaeth a sgiliau ymarferol a allai wneud gwahaniaeth gwirioneddol mewn sefyllfa argyfwng