COEDWIGAETH A CHEFN GWLAD
Coedwigaeth a Chefn Gwlad
Llety yn Llysfasi
Os ydych chi wrth eich bodd yn yr awyr agored, sefyll o dan ganopi o goed neu gerdded dros garped o fwsogl ar lawr coetir, yna mae’r rhaglen Coedwigaeth yn berffaith i chi. Rydyn ni wedi’n lleoli yn harddwch Dyffryn Clwyd, y lleoliad naturiol perffaith ar gyfer gwaith bywyd gwyllt ymarferol.
Nid yn unig hynny, cewch gyfle i astudio a gweithio ar amrywiaeth eang o gynefinoedd a safleoedd gan gynnwys coetiroedd, rhosydd a ffriddoedd, yn amrywio o’r arfordir hyd at gopa mynyddoedd yn ystod eich cyfnod yng Ngholeg Cambria. P’un a ydych chi eisiau gweithio mewn cadwraeth, rheoli ystadau gwledig a chefn gwlad, coedwigaeth neu unrhyw beth tebyg, dyma’r lle i astudio.
Pa Gyrsiau Sydd Ar Gael
Rhiannon Bartley
Wedi astudio – Lefel 3 mewn Rheoli Cefn Gwlad
Erbyn hyn – Gweithredwr Cadwraeth yn ELM Ltd
“Gwnes i benderfynu fy mod i eisiau ailgyfeirio fy amser ac egni a’u defnyddio i gael dyfodol sy’n fwy cyson gyda’m persbectif a’m dyheadau. Roedd y cwrs hwn yn ticio bob blwch ar bapur ac yn rhagori ar fy nisgwyliadau. Er i mi ymuno â’r coleg yng nghanol y pandemig, gwnaeth y tiwtoriaid barhau i drefnu cymaint o sesiynau ymarferol a theithiau â phosib, ac yn ystod un o’r sesiynau hyn y gwnes i gyfarfod fy nghyflogwr presennol.
“Dwi wedi cyfarfod nifer o bobl yn y diwydiant ac wedi ymdrochi yn y llu o wybodaeth a phrofiadau a gafodd eu rhannu gan y tiwtoriaid eu hunain ac eraill ar hyd y daith.
“Mae pawb sy’n gweithio gyda Llysfasi ac ar y safle wedi creu amgylchedd agored, cefnogol a chartrefol i fyfyrwyr ffynnu ynddo.”
Dafydd
Wedi astudio – Diploma Estynedig Technegol Tillhill mewn Coedwigaeth a Choedyddiaeth.
Erbyn hyn – ar ei drydedd blwyddyn ym Mhrifysgol Bangor yn astudio gradd israddedig (BSc Anrh) mewn Coedwigaeth a pherchennog y gwasanaeth coed ArborCoed
“Mae’r gwaith academaidd ac ymarferol yn Llysfasi yn cyd-fynd yn dda gyda gwaith o ddydd i ddydd. Gwnes i fwynhau’r ystod o wersi a’r pynciau oedd yn cael eu haddysgu. Mae’r darlithwyr yn hynod brofiadol ac yn llawn gwybodaeth ar ôl gweithio mewn sectorau gwahanol ledled y DU.
“Mae Cambria yn cynnig cyflwyniad gwych i’r diwydiant. Bydd profiad gwaith yn eich galluogi chi i gyfarfod pobl y tu ôl i’r coetiroedd a choedwigoedd ym Mhrydain a bydd yn rhoi llwybr gwych i chi i Brifysgol, cyflogaeth neu brentisiaethau.
“Mae’r sylfaen wybodaeth a wnaeth fy narlithwyr yn Cambria ei roi i mi wedi rhoi cychwyn gwych i mi gyda’m cwrs Prifysgol ac agwedd ymarferol y cwrs Coedwigaeth yn Cambria. Pan nad ydw i yn y brifysgol dwi’n gweithio i mi fy hun fel tyfwr coed a rheolwr coetir ac i dîm contractio nenlinell fel dyn rhoi cadwyni o amgylch coed, dyn llifio a gweithredwr peiriannau nenlinell.”
