Diploma lefel 3 mewn E-Chwaraeon - Marchnata Digidol a Menter

5 TGAU gradd C/4 neu uwch gan gynnwys Saesneg Iaith/Cymraeg (Iaith Gyntaf) a Mathemateg NEU gwblhau cymhwyster Lefel 2 perthnasol yn llwyddiannus y mae’n rhaid iddi gynnwys cyflawniad mewn rhifedd a llythrennedd.

Yng Ngholeg Cambria byddem yn eich annog I wneud eich gorau glas yn eich arholiadau. Y gorau fydd eich graddau, y mwyaf o opsiynau a fydd gennych, ac fe allai eich galluogi I symud ymlaen I gwrs lefel uwch.

Mae’r cymhwyster BTEC hwn yn defnyddio cymysgedd o aseiniadau ymarferol, tasgau ac arholiadau ysgrifenedig, gan roi’r hyder i chi gymhwyso’ch gwybodaeth mewn senarios byd go iawn a’ch paratoi chi ar gyfer addysg uwch. Mae’r dull amrywiol hwn yn caniatáu ichi arddangos eich dysgu a’ch cyflawniadau’n effeithiol, p’un a ydych chi’n gwneud cais i brifysgol neu’n chwilio am swydd. Mae pedwar arholiad/tasg a gaiff eu hasesu’n allanol dros gyfnod dwy flynedd y cwrs.

Mae’r cymhwyster hwn yn berffaith ar gyfer dysgwyr sydd eisiau mynd yn syth i gyflogaeth yn y diwydiant e-chwaraeon, efallai trwy brentisiaeth, neu sy’n anelu at fynd ymlaen i addysg uwch. Wedi’i gymeradwyo gan Gymdeithas E-chwaraeon Prydain, mae’r cymhwyster hwn yn cael ei gydnabod gan gyflogwyr a bydd yn eich cefnogi chi wrth i chi ymuno ag ystod eang o swyddi o fewn y diwydiant.

Mae’r cymhwyster hwn hefyd yn cynnig y cyfle i ddysgwyr symud ymlaen i ystod eang o raglenni addysg uwch, gan gynnwys graddau baglor.

Mae llwybrau gyrfa posibl yn y diwydiant e-chwaraeon yn cynnwys:
– Chwaraewr e-chwaraeon
– Hyfforddwr tîm
– Trefnydd digwyddiadau
– Sylwebydd a chyflwynydd
– Dylanwadwr cyfryngau cymdeithasol
– Golygydd cynhyrchu fideo
– Ffotograffydd
– Dylunydd Gemau.

Mae’r cymhwyster hwn yn cronni pwyntiau UCAS ac yn cael ei gydnabod gan ddarparwyr addysg uwch fel un sy’n cyfrannu at ofynion mynediad ar gyfer llawer o gyrsiau cysylltiedig. Pan fyddwch chi’n cwblhau’r rhaglen llawn amser dwy flynedd hon, gallwch chi symud ymlaen i raglenni gradd fel BA (Anrh) mewn Rheoli Digwyddiadau, BA (Anrh) yn y Cyfryngau, neu BA (Anrh) mewn E-chwaraeon, yn ogystal â llawer o raglenni addysg uwch eraill. Cofiwch wirio’r gofynion mynediad ar gyfer rhaglenni gradd benodol gyda phrifysgolion.

Efallai y bydd rhai cyrsiau yn gofyn am brynu cit/offer. Edrychwch ar y rhestr cit atodedig i gael rhagor o wybodaeth.