Diploma NVQ Lefel 3 VTCT mewn Therapi Harddwch

Yn barod i symud eich gyrfa dysgu i’r lefel nesaf? Mae ein Diploma NVQ Lefel 3 VTCT mewn Therapi Harddwch yn Iâl yn cynnig cyfle anhygoel i chi arbenigo mewn llwybrau Harddwch Cyffredinol neu Sba a’ch paratoi ar gyfer dyfodol gwerthfawr yn y diwydiant.

Beth fyddwch chi’n ei astudio

Bydd y diploma cynhwysfawr hwn yn eich arfogi â sgiliau a gwybodaeth uwch gan gynnwys:

- Anatomi a ffisioleg
- Tylino’r corff
- Tylino Pen yn y Dull Indiaidd
- Tylino â Cherrig Poeth
- Triniaeth Drydanol yr Wyneb
- Ymwybyddiaeth o Ganser y Croen ar gyfer Gweithwyr Proffesiynol nad ydynt yn Weithwyr Gofal Iechyd.

Noder y gall unedau penodol newid er mwyn sicrhau bod ein cwricwlwm yn parhau i fod yn gyfredol ac yn berthnasol. Byddwch hefyd yn cael profiad ymarferol amhrisiadwy trwy sesiynau profiad gwaith rheolaidd yn ein salon harddwch a sba o'r radd flaenaf. Datblygu eich sgiliau cyflogadwyedd yw ffocws craidd y cwrs hwn sy’n sicrhau eich bod wedi eich paratoi'n llwyr ar gyfer y gweithle. Rydym yn annog astudio annibynnol rhwng sesiynau wedi'u hamserlennu i'ch helpu i gael y gorau o'ch taith ddysgu.

Yn ogystal â'ch cymhwyster Therapi Harddwch Lefel 3 bydd eich rhaglen ddysgu yn cynnwys yr elfennau hanfodol hyn:
- Hyfforddiant ac asesiadau Sgiliau Hanfodol Cymru
- Datblygu sgiliau Cymraeg
- Datblygu sgiliau Llythrennedd a Rhifedd
- Lleoliad gwaith gorfodol.

Bydd eich amserlen yn cynnwys rhai sesiynau gyda'r nos gyda dyddiadau'n cael eu darparu gan eich tiwtor yn ystod y Cyfnod Ymsefydlu.