City & Guilds Diploma Lefel 2 mewn Gofalu am Anifeiliaid yn Seiliedig ar Waith (Gofal a Lles Anifeiliaid)

Nod y rhaglen hon yw darparu cymhwyster sy’n berthnasol i’r gwaith sy’n seiliedig ar gymhwysedd. Mae’n adlewyrchu’r sgiliau a’r wybodaeth sydd eu hangen i wneud swydd o fewn y diwydiant gofal anifeiliaid, ac yn dangos bod y dysgwr yn gymwys yn y maes hwn o waith. Y llwybr Gofal a Lles Anifeiliaid ydy’r llwybr sy’n cael ei ddewis amlaf, ac mae’n addas ar gyfer y rhan fwyaf o ddysgwyr mewn amgylchedd gwaith gofal anifeiliaid. Fodd bynnag, mae llwybrau eraill ar gael, gan gynnwys Sŵau/Sefydliadau Bywyd Gwyllt, Twtio Cŵn, Gofal a Manwerthu Anifeiliaid Anwes, Hyfforddi Anifeiliaid a Thrin Cŵn Gwasanaeth.

Mae'r lefel hon yn briodol os oes gennych chi rywfaint o wybodaeth a'ch bod am brofi eich cymhwysedd yn eich rôl, a gallai eich helpu i symud o swydd iau i swydd uwch. Efallai eich bod hefyd yn chwilio am gymhwyster i'ch paratoi ar gyfer symud ymlaen i gymwysterau Lefel 3.

I ennill y cymhwyster hwn, mae’n rhaid i chi gyflawni ystod o unedau gorfodol a dewisol, sy’n gyfanswm o 44 neu ragor o gredydau: Gall yr union ddewis o unedau dewisol y gallwch ddewis ohonynt ddibynnu ar eich swydd. Mae enghreifftiau o’r unedau’n cynnwys:

Sicrhau bod eich gweithredoedd eich hun yn lleihau risgiau i iechyd a diogelwch.
Cyfrannu at werthuso a gweithredu rhaglenni hyfforddi anifeiliaid sylfaenol
Rheoli ac atal anifeiliaid
Cynnal glanweithdra a bioddiogelwch yr amgylchedd gwaith gofal anifeiliaid
Darparu cyfleoedd i anifeiliaid gael rhyddid i symud o gwmpas
Paratoi a thwtio anifeiliaid
Rhoi bwyd a dŵr i anifeiliaid

Os ydynt yn cwblhau'r cwrs hwn fel rhan o Fframwaith Prentisiaeth, mae'n ofynnol i ddysgwyr ymgymryd â'r cymwysterau Sgiliau Hanfodol ar lefel 1, mewn Cymhwyso Rhif a Chyfathrebu.