Mae gan Iâl enw da ers oes ac mae’n gartref i lawer o gyrsiau galwedigaethol a phrentisiaethau. Ar ôl cael 2 ailddatblygiad gwerth miliynau o bunnoedd yn ddiweddar, mae gan Iâl gyfleusterau addysgu arbenigol, labordai gwyddoniaeth, ystafelloedd cyfrifiaduron a stiwdios celf.

Mae pob myfyriwr yn gallu cyrchu’r dechnoleg ddiweddaraf ac rydym yn annog iddynt ddefnyddio’r llyfrgell arddull prifysgol. Mae cyfleusterau diwydiannau creadigol Iâl ymhlith y gorau yn y rhanbarth.

Ymhlith y cyfleusterau mae Bwyty Iâl sy’n newydd sbon, Blodau Iâl a Salon Iâl a chafodd ei hadnewyddu’n ddiweddar.

Ein hadeilad diweddaraf ydy’r Ganolfan Ragoriaeth Gofal Iechyd a Therapïau sydd wedi’i chwblhau’n ddiweddar ar ein safle yn Iâl. Mae’r datblygiad £14m hwn yn cynnwys sba masnachol a bar iach sydd wedi’u cyfarparu’n llawn, o safon y diwydiant, gan gynnig cyfle i ddysgwyr hyfforddi ochr yn ochr â gweithwyr proffesiynol y diwydiant. Mae hefyd yn cynnwys wardiau iechyd efelychiedig ac amgylcheddau Rhith-realiti.