Llywodraeth a Gwleidyddiaeth - Lefel A

Ydych chi'n barod i archwilio'r grymoedd pwerus sy'n llunio ein byd? Mae Llywodraeth a Gwleidyddiaeth Lefel A yn bwnc hynod ddiddorol a deinamig a fydd yn eich arfogi ag ystod o sgiliau gwerthfawr gan agor drysau i gyrsiau prifysgol gyffrous a gyrfaoedd gwerth chweil.

Beth Fyddwch chi'n ei Ddysgu
Yn eich blwyddyn gyntaf, byddwch yn ymchwilio i weithrediadau'r llywodraeth yng Nghymru a'r Deyrnas Unedig. Byddwch yn archwilio cwestiynau allweddol ynghylch ble mae pŵer mewn gwirionedd o fewn system wleidyddol Prydain a sut y mae'r rhai sydd mewn grym yn cael eu dwyn i gyfrif, a dylanwad ffactorau allanol. Byddwch hefyd yn darganfod beth mae dinasyddiaeth yn ei olygu yn y DU, deall eich hawliau a sut y gallwch ddylanwadu ar brosesau gwleidyddol.
Yn eich ail flwyddyn byddwch yn ymchwilio i gysyniadau a damcaniaethau gwleidyddol gan archwilio ideolegau amrywiol fel Sosialaeth, Ceidwadaeth, Rhyddfrydiaeth a Chenedlaetholdeb. Yna byddwch yn troi eich sylw at lywodraeth a gwleidyddiaeth UDA gan barhau i gwestiynu pŵer, democratiaeth a chyfranogiad o fewn y system wleidyddol.

Y Tu Hwnt i'r Ystafell Ddosbarth
Rydyn ni’n credu mewn cyfoethogi’r profiad dysgu. Bydd gennych gyfleoedd anhygoel i ddatblygu eich diddordebau a pharatoi ar gyfer eich dyfodol. Mae’r rhain yn cynnwys:
* Teithiau i gynadleddau ac ymweliadau â chanolfannau gwleidyddol arwyddocaol fel Tai’r Senedd yn Llundain neu Senedd Cymru yng Nghaerdydd.
* Dadleuon a thrafodaethau diddorol gydag amryw o siaradwyr gwadd gwahanol gan gynnwys ASau, Aelodau’r Senedd a chyn-fyfyrwyr sydd wedi dechrau gyrfaoedd cyffrous sy’n gysylltiedig â gwleidyddiaeth.