Lefel 1 mewn Chwaraeon a Gwasanaethau Cyhoeddus mewn Lifrai

Ydych chi’n barod i edrych ar yrfa gyffrous mewn chwaraeon neu wasanaethau cyhoeddus? Y cwrs hwn yw eich cam cyntaf at yrfa wobrwyol os ydych yn breuddwydio am ymuno â’r lluoedd arfog, dod yn swyddog yr heddlu, gweithio yn y gwasanaeth tân neu ystyried gyrfa mewn chwaraeon a hyfforddiant.

Beth Fyddwch chi'n ei Ddysgu
Mae'r cwrs hwn wedi’i lunio fel cyflwyniad i'r sectorau Chwaraeon a Gwasanaethau Cyhoeddus. Byddwch yn datblygu sgiliau hanfodol a fydd yn eich helpu bob dydd ar y cwrs ac yn eich gyrfa ar gyfer y dyfodol. Byddwch yn barod i:

*Gymryd rhan mewn chwaraeon egnïol a hyfforddiant
*Gwella eich ffitrwydd trwy sesiynau ymarferol yn cynnwys gweithgareddau awyr agored cyffrous
*Ennill gwybodaeth gan arbenigwyr yn y diwydiant a fydd yn rhannu eu profiad o weithio mewn gwasanaethau cyhoeddus yn y byd go iawn

Mi fyddwn ni hefyd yn canolbwyntio ar roi hwb i’ch sgiliau Saesneg a Mathemateg Bydd gennych chi’r cyfle i fynd i’r afael â chymwysterau Sgiliau Hanfodol Cymru mewn Cyfathrebu a Chymhwyso Rhif Bydd y cymwysterau hyn yn eich helpu chi i symud ymlaen at lefelau uwch o ddysgu.

Eich Siwrnai gyda Ni
Rydyn ni yma i’ch helpu bob cam o’r ffordd! Bydd gennych chi Anogwr Cynnydd pwrpasol a fydd yn eich helpu drwy gydol eich amser ar y cwrs. Mi fyddan nhw’n gwneud yn siŵr fod cymorth ar gael i chi cyn dechrau’r cwrs ac yn parhau i’ch helpu gydag unrhyw anghenion newydd all godi er mwyn eich helpu chi lwyddo. Mae'r cwrs hwn wedi'i gefnogi'n llawn i fodloni eich anghenion unigol a'ch gwahaniaethau dysgu.

Byddwch yn dod i’r coleg deirgwaith yr wythnos lle bydd cymysgedd o sesiynau diddorol yn yr ystafell ddosbarth a dysgu ymarferol dan do ac yn yr awyr agored.