Lefel 2 Teithio a Thwristiaeth

Rhagor o fanylion
Cod y Cwrs	LP01344
Lleoliad	Iâl
Hyd	Llawn Amser, Dyma gwrs blwyddyn llawn amser.
Adran	Teithio a’r Economi Ymwelwyr
Dyddiad Dechrau	03 Sep 2026
Dyddiad gorffen	18 Jun 2027

Trosolwg o’r Cwrs

Ydych chi'n barod am yrfa newydd ddeinamig? Mae'r cwrs blwyddyn, llawn amser hwn yn gyfle perffaith i chi gael blas o fyd cyffrous Teithio a Thwristiaeth! Byddwn yn rhoi cyflwyniad gwych a chynhwysfawr i chi o'r diwydiant a’ch paratoi ar gyfer llwyddiant yn un o'r nifer o feysydd gwaith cysylltiedig.

Beth fyddwch chi’n ei astudio
Mae'r cwrs hwn wedi'i gynllunio i roi gwybodaeth ymarferol go iawn i chi ac i ddatblygu sgiliau hanfodol yn y diwydiant. Wrth i chi symud ymlaen trwy eich unedau byddwch yn datblygu sgiliau mewn gwasanaeth i gwsmeriaid, marchnata, busnes a chyflogaeth.

Gallwch fod yn astudio unedau cyffrous fel:
* Twristiaeth yn y DU
* Meysydd Awyr a Chwmnïau Awyrennau
* Deall Twristiaeth Arbenigol
* Cyflwyniad i Deithiau Tywys
* Profiad gwaith mewn Teithio a Thwristiaeth
* Cyrchfannau Teithio
* Gwyliau Pecyn
* Gwasanaeth i Gwsmeriaid yn y diwydiant Teithio a Thwristiaeth

Sylwch: (mae rhai unedau yn debygol o newid).

Gofynion Mynediad

4 TGAU gradd D/3 neu uwch gan gynnwys Mathemateg a Saesneg Iaith/Cymraeg (Iaith Gyntaf), neu gwblhau cymhwyster Lefel 1 perthnasol yn llwyddiannus y mae’n rhaid iddo gynnwys cyflawniad mewn rhifedd a llythrennedd.

Yng Ngholeg Cambria rydym yn eich annog chi I wneud y gorau gallwch chi yn eich arholiadau. Y gorau yw eich graddau, y mwyaf o opsiynau fydd gennych chi, a gall hyn eich arwain at ennill lle ar gwrs lefel uwch

Sut byddwch yn cael eich asesu

Rydyn ni’n credu yn y broses o wneud wrth ddysgu! Byddwch yn cael eich asesu mewn amrywiaeth o ffyrdd diddorol ac ymarferol drwy gydol y cwrs. Dychmygwch eich hun yn cynllunio digwyddiadau a rhoi cyflwyniadau, yn cymryd rhan mewn chwarae rôl a phrosiectau hyrwyddo – mae pob tasg yn eich helpu i feithrin sgiliau go iawn yn y diwydiant.

Mae’r cwrs hwn yn cynnwys elfen o brofiad gwaith gorfodol sy’n rhoi cyfle cyffrous i chi ennill profiad ymarferol hanfodol gyda sefydliadau allanol. Mae’n hanfodol ar gyfer datblygu’r sgiliau a’r wybodaeth sydd eu hangen arnoch i ffynnu yn y diwydiant Teithio a Thwristiaeth.

Yn ogystal â’r brif ddiploma bydd eich rhaglen ddysgu yn cynnwys:

* Hyfforddiant ac asesiadau Sgiliau Hanfodol Cymru
* Datblygu sgiliau Cymraeg
* Datblygu sgiliau Llythrennedd a Rhifedd.

Eich llwybr gyrfa yn y dyfodol

Gall cwblhau’r diploma hwn yn llwyddiannus, ynghyd â phresenoldeb, prydlondeb ac ymddygiad da, ennill lle i chi ar y Diploma Rhagarweiniol Lefel 3 mewn Teithio a Thwristiaeth.

Ar ôl cyflawni eich cymhwyster Lefel 3 bydd llond gwlad o ddewisiadau prifysgol a chyflogaeth ar gael i chi. Mae’r cwrs hwn yn gam ymlaen at rolau uchelgeisiol fel:

* Criw Caban / Cynorthwyydd Hedfan
* Staff Maes Awyr / Asiant Cofrestru
* Asiant Twristiaeth
* Arweinydd Teithiau
* Ymgynghorydd Mordeithiau
* Blogiwr Teithiau
* Cydlynydd Adloniant / Gweithgareddau (Cyrchfannau gwestai neu longau mordeithio)
* Swyddog Twristiaeth (cyngor lleol neu fwrdd twristiaeth).

Cost

Efallai y bydd rhai cyrsiau yn gofyn am brynu cit/offer. Edrychwch ar y rhestr cit atodedig i gael rhagor o wybodaeth.

Lawrlwythiadau Defnyddiols

Lawrlwythiadau Defnyddiol

Rhestr Offer

Barod i ddechrau ar eich taith?

Ein diwrnodau agored

Mae ein Diwrnodau Agored yn gyfle i chi archwilio’r Coleg a darganfod yr ystod o gyrsiau sydd ar gael i chi.

Digwyddiadau Agored Mis Mawrth – Llaneurgain

14/03/2026

Mae ein Digwyddiadau Agored yn gyfle perffaith i chi gael cip o amgylch y safle a chael yr holl wybodaeth sydd ei hangen arnoch chi i benderfynu ar eich cam nesaf.

Digwyddiadau Agored Mis Mawrth – Llysfasi

07/03/2026

Mae ein Digwyddiadau Agored yn gyfle perffaith i chi gael cip o amgylch y safle a chael yr holl wybodaeth sydd ei hangen arnoch chi i’ch helpu i benderfynu ar eich cam nesaf.

Digwyddiad Agored Hygyrch – Glannau Dyfrdwy a Chweched Glannau Dyfrdwy

13/11/2025

17:00

Mae pobl niwroamrywiol sy’n dymuno astudio yn Cambria yn cael eu gwahodd i’n Digwyddiadau Agored Hygyrch. Dyma’r cyfle perffaith i weld popeth sydd gan Cambria i’w gynnig mewn lleoliad sy’n cefnogi’r synhwyrau.