Iaith Saesneg - Safon Uwch

Rhagor o fanylion
Cod y Cwrs	LA01148
Lleoliad	Glannau Dyfrdwy
Hyd	Llawn Amser, Mae’r cynnwys UG yn cael ei addysgu yn y flwyddyn gyntaf o astudio. Mae’r cynnwys U2 yn cael ei addysgu yn yr ail flwyddyn o astudio.
Adran	Cyrsiau Safon Uwch
Dyddiad Dechrau	01 Sep 2026
Dyddiad gorffen	19 Jun 2027

Trosolwg o’r Cwrs

Ydych chi'n barod i archwilio byd diddorol iaith? Bydd y cwrs Safon Uwch hwn yn gwella eich dealltwriaeth o sut mae iaith yn gweithio ac yn cynyddu eich gwybodaeth am wahanol agweddau ar astudio ieithoedd. Byddwch chi’n datblygu eich ymwybyddiaeth o systemau iaith allweddol ac yn dysgu cymhwyso'r wybodaeth hon i ddadansoddi ystod eang o destunau llafar ac ysgrifenedig, o wahanol gyfnodau mewn amser. Yn ogystal â hyn, byddwch chi'n gwella eich sgiliau ysgrifennu, gan ddysgu sut i deilwra'ch iaith yn effeithiol ar gyfer gwahanol gynulleidfaoedd, dibenion a genres.

Beth Fyddwch chi'n ei Ddysgu;
Uwch Gyfrannol (Blwyddyn 1)
* Uned 1: Archwilio Iaith (Arholiad ysgrifenedig: 1 awr 45 munud)
Adran A: Dadansoddi iaith
Adran B: Saesneg Cyfoes

* Uned 2: Materion Iaith ac Ysgrifennu Gwreiddiol (Arholiad ysgrifenedig: 2 awr)
Un cwestiwn mewn tair rhan: un traethawd ar fater iaith ac un dasg ysgrifennu wreiddiol, yn ogystal â sylwebaeth sy'n gysylltiedig â'r mater iaith a ddewiswyd
Safon Uwch (Blwyddyn 2)

* Uned 3: Iaith dros Amser (Arholiad ysgrifenedig: 1 awr 30 munud)
Un cwestiwn amlran ac un cwestiwn traethawd yn dadansoddi newid mewn iaith dros amser.

* Uned 4: Testunau Llafar ac Ail-gastio Creadigol (Arholiad Ysgrifenedig: 2 awr)
Adran A: Dadansoddi iaith lafar
Adran B: Ail-gastio creadigol

* Uned 5: Iaith a Hunaniaeth (Asesiad di-arholiad: 2500-3500 o eiriau)
Gwaith ymchwil yn seiliedig ar un o'r canlynol: iaith a hunan-gynrychiolaeth, iaith a rhywedd, iaith a diwylliant, neu amrywiaeth iaith

Gofynion Mynediad

5 TGAU gradd C/4 neu uwch gan gynnwys Iaith Saesneg / Cymraeg (Iaith Gyntaf) a Mathemateg.

Nodyn: Ni allwch chi astudio’r cwrs hwn gydag Iaith a Llenyddiaeth Saesneg Cyfun UG/Safon Uwch.

Yng Ngholeg Cambria, byddem ni’n eich annog chi i wneud eich gorau glas yn eich arholiadau. Y gorau fydd eich canlyniadau, y mwyaf o ddewisiadau fydd gennych chi, a gallai hynny arwain at ddechrau cwrs lefel uwch.

Sut byddwch yn cael eich asesu

Mae ffug arholiad bob blwyddyn ac mae aseiniadau rheolaidd yn cael eu gosod i olrhain eich cynnydd.

Eich llwybr gyrfa yn y dyfodol

Mae Saesneg Iaith yn berthnasol i ystod eang o gyrsiau addysg uwch a gyrfaoedd. Mae’n eich paratoi’n ardderchog ar gyfer unrhyw gwrs Saesneg mewn prifysgol. Bydd y sgiliau y byddwch yn eu meithrin drwy’r cwrs yn gwella eich defnydd o’r iaith Saesneg ac mae’n gwrs delfrydol ar gyfer myfyrwyr sy’n dymuno dilyn gyrfa mewn meysydd fel newyddiaduraeth a’r cyfryngau, y gyfraith ac addysgu.

Oherwydd bod y cwrs yn canolbwyntio ar fframweithiau iaith, mae felly’n ddefnyddiol iawn ar gyfer myfyrwyr sy’n ystyried astudio therapi lleferydd.

Cost

Lawrlwythiadau Defnyddiols

Barod i ddechrau ar eich taith?

Ein diwrnodau agored

Mae ein Diwrnodau Agored yn gyfle i chi archwilio’r Coleg a darganfod yr ystod o gyrsiau sydd ar gael i chi.

Digwyddiadau Agored Mis Mawrth – Llaneurgain

14/03/2026

Mae ein Digwyddiadau Agored yn gyfle perffaith i chi gael cip o amgylch y safle a chael yr holl wybodaeth sydd ei hangen arnoch chi i benderfynu ar eich cam nesaf.

Digwyddiadau Agored Mis Mawrth – Llysfasi

07/03/2026

Mae ein Digwyddiadau Agored yn gyfle perffaith i chi gael cip o amgylch y safle a chael yr holl wybodaeth sydd ei hangen arnoch chi i’ch helpu i benderfynu ar eich cam nesaf.

Digwyddiad Agored Hygyrch – Glannau Dyfrdwy a Chweched Glannau Dyfrdwy

13/11/2025

17:00

Mae pobl niwroamrywiol sy’n dymuno astudio yn Cambria yn cael eu gwahodd i’n Digwyddiadau Agored Hygyrch. Dyma’r cyfle perffaith i weld popeth sydd gan Cambria i’w gynnig mewn lleoliad sy’n cefnogi’r synhwyrau.