Mynediad i Ofal Anifeiliaid

Ydych chi'n angerddol am anifeiliaid ac yn barod i ddechrau gyrfa foddhaol? Mae ein cwrs Lefel Mynediad mewn Gofal Anifeiliaid yn Llaneurgain ar eich cyfer chi, p'un ai ydych chi newydd ddechrau neu'n edrych i ennill sgiliau hanfodol mewn gofal anifeiliaid. Mae'r cwrs hwn yn cynnig cyflwyniad ymarferol at fyd gofal anifeiliaid gan roi'r profiad a'r wybodaeth ymarferol sydd eu hangen arnoch i lwyddo.

Beth Fyddwch chi'n ei Ddysgu
Byddwch chi'n cymryd rhan mewn helpu i ofalu am amrywiaeth eang o anifeiliaid yma yn y coleg! Mae’r cwrs yn cynnig sylfaen gadarn ac yn ymdrin ag amryw o feysydd allweddol fel:

*Deall iechyd meddwl a llesiant anifeiliaid
*Technegau ymdrin ag anifeiliaid yn ddiogel ac effeithiol
*Arferion bwydo a dyfrio priodol
*Cynnal llety anifeiliaid glân ac addas.

Bydd y Ganolfan Gofal Anifeiliaid rhagorol yn rhoi cyfle i chi feithrin sgiliau ymarferol gwerthfawr gyda dros gant o rywogaethau anifeiliaid, gan gynnwys cwningod, moch cwta, llygod mawr, llygod, ieir, hwyaid, ffuredau, cŵn, defaid, geifr, moch a physgod. Bydd y profiad ymarferol hwn ynghyd â gwybodaeth ddamcaniaethol bwysig yn rhoi mantais go iawn i chi yn y llwybr gyrfa o’ch dewis.

Er mwyn gwneud eich dysgu mor ddiddorol â phosibl, byddwch yn profi amrywiaeth o ddulliau addysgu, o weithgareddau ystafell ddosbarth a gwaith grŵp i sesiynau ymarferol a thechnoleg ddysgu fodern. Byddwn ni hefyd yn canolbwyntio ar hybu eich sgiliau llythrennedd a rhifedd, a phan fyddwch chi'n barod, bydd cyfle gennych chi i ennill cymwysterau Sgiliau Hanfodol Cymru mewn Cyfathrebu a Chymhwyso Rhif.

Bydd gennych Anogwr Bugeiliol ymroddedig a fydd yn eich helpu bob cam o’r daith i wneud yn siŵr bod eich anghenion dysgu yn cael eu cwrdd fel eich bod yn llwyddo.