IECHYD A GOFAL CYMDEITHASOL
Mae’r galw am weithwyr proffesiynol ym maes iechyd a gofal cymdeithasol yn fwy nag erioed. Mae’r GIG a’r Gwasanaethau Gofal Cymdeithasol yn chwilio am bobl dosturiol a gweithgar i ymuno a nhw. Ydy hyn yn rhywbeth rydych chi’n angerddol amdano? Yna byddai gyrfa ym maes gofal iechyd a gofal cymdeithasol yn addas i chi.
Bydd ein tiwtoriaid profiadol yn gweithio gyda chi i ddatblygu eich gwybodaeth a’ch sgiliau i’ch paratoi chi ar gyfer unrhyw yrfa yn y sector, gan gynnwys Rheolwr Gwasanaethau Iechyd, Gweithiwr Gofal, Meddyg Teulu a llawer rhagor.
Ruth Jones
Astudiodd – Lefel 3 mewn Iechyd a Gofal Cymdeithasol
Erbyn hyn – Nyrsio Plant ym Mhrifysgol Glyndŵr Wrecsam
Mae’n rhyfeddol gweld sut dwi wedi symud yn fy mlaen dros y blynyddoedd diwethaf ac erbyn hyn dwi’n astudio fy nghwrs delfrydol ym Mhrifysgol Glyndŵr Wrecsam! Buaswn i ddim yn berson mor wydn heb y cymorth a’r anogaeth ragorol a chadarn gan fy nhiwtoriaid yn y coleg – roedden nhw’n anhygoel.
Mae Iechyd a Gofal Cymdeithasol wedi agor cymaint o ddrysau i mi fel myfyriwr nyrsio ar hyn o bryd – Dydw i ddim yn meddwl bod unrhyw gwrs gwell, a doedd dim coleg gwell, i’m helpu i gyrraedd lle ydw i heddiw. Dwi wedi dysgu am gymaint o wahanol gysyniadau ac agweddau o fewn iechyd a gofal cymdeithasol, a dwi wedi bod wrth fy modd!
Fy nghyngor i unrhyw darpar fyfyrwyr yw, ewch amdani! Mae’r tiwtoriaid yn y coleg eisiau i chi wneud eich gorau glas, gwrandewch arnyn nhw – maen nhw’n arbenigwyr!
Amy Jones
Erbyn hyn – Myfyriwr Iechyd a Gofal Cymdeithasol a Chadét Gofal Iechyd
“Y profiad dwi’n ei gofio fwyaf yw golchi gwallt tair merch hyfryd a oedd wedi bod ar y ward am dros bedair wythnos. Roedd hwn yn brofiad bythgofiadwy gan ei fod yn weithred mor syml ond gwnaeth gymaint o wahaniaeth iddyn nhw a sut oedden nhw’n teimlo yn eu hunain. Hefyd roedd yn wych cael helpu’r unigolion mewn ffordd mor fawr gyda gweithred mor fach ac fe ddangosodd i mi cymaint y mae’r cleifion yn dibynnu ar y staff nyrsio o’u cwmpas am gysur a sicrwydd.”
