Mae’r taliadau’n cynnwys y flwyddyn academaidd gyfan ac yn cynnwys arlwyo gan gynnwys brecwast a phryd gyda’r nos. Os ydy myfyrwyr yn y coleg am 3 diwrnod, ar leoliadau gwaith neu’n cael eu hanfon adref oherwydd tywydd garw, nid oes gostyngiad ar y ffi unigol a godir.

*Mae’r cyfraddau’n amrywio o flwyddyn i flwyddyn

Caiff prydau bwyd eu gweini yn Ystafell Fwyta’r Coleg ar yr amseroedd canlynol:

Brecwast – 8.00am i 8.30am – (Dydd Llun i Ddydd Gwener)

Pryd Nos – 5.00pm (Dydd Llun i Ddydd Iau) – Deietau Arbennig

Os oes gennych chi unrhyw ofynion deietegol, mae croeso i chi gysylltu ag aelod o’r tîm arlwyo.

Dewisiadau bwydlen Halal ar gael ar gais.
Dewisiadau bwydlen fegan ar gael ar gais.

Mae’r Llawlyfr Myfyrwyr yn rhoi rhagor o fanylion ynghylch llety a’r hyn y gall myfyrwyr ei ddisgwyl wrth aros ar safle Llysfasi.

Cliciwch Yma i Lawrlwytho’r Llawlyfr Myfyrwyr.

Ar ein safle yn Llysfasi rydyn ni’n deall fod dod i astudio amaethyddiaeth yn golygu byw i ffwrdd o adref i lawer o bobl. Mae ein llety pwrpasol ar y safle yn darparu amgylchedd diogel, cefnogol a chyfforddus sydd wedi’i gynllunio i’ch helpu i ffynnu’n academaidd ac yn bersonol.

Rydyn ni’n cynnig ystafelloedd modern (mae’r rhan fwyaf ohonynt ag ystafelloedd ymolchi en-suite) a phob un wedi’u dodrefnu’n feddylgar gyda gwely, desg, cadair, bwrdd wrth ochr y gwely, a silffoedd – popeth sydd ei angen arnoch i greu eich lle astudio ac ymlacio personol.

Y tu hwnt i’ch ystafell wely bydd gennych fynediad at gyfleusterau rhagorol ar y safle gan gynnwys ystafell gemau, campfa, ffreutur, Wi-Fi dibynadwy, a mannau astudio pwrpasol.

Eich diogelwch a’ch llesiant yw ein prif flaenoriaeth. Mae ein llety yn cynnwys blociau ar wahân i unigolion ifanc o dan 18 oed a dros 18 oed yn ogystal ag ardaloedd penodol i ddynion a merched gan sicrhau diogelu priodol. Mae ein wardeiniaid dros nos yn weithwyr proffesiynol profiadol, gofalgar ac wedi’u hyfforddi mewn diogelu ac wedi ymrwymo i’ch llesiant. Hefyd mae aelod dynodedig o dîm Gwasanaethau Myfyrwyr ar gael ar y safle yn ystod y dydd i gynnig cymorth ac arweiniad pryd bynnag y bydd ei angen arnoch.

Mae dewis llety yn Llysfasi yn golygu ymuno â chymuned gefnogol lle gallwch ganolbwyntio ar eich astudiaethau, meithrin cyfeillgarwch a gwneud y mwyaf o’ch profiad yn y coleg.

Gellir gweld polisïau ategol gan gynnwys Diogelu, Atal a Gwrth-fwlio ac Aflonyddu yma.

Mae cymorth ar gael i ddysgwyr yng Ngholeg Cambria yma.