Wedi astudio – Lefel 2 a 3 mewn Cynnal a Chadw ac Atgyweirio Cerbydau Ysgafn

“Yn ystod fy Mhrentisiaeth fe wnes i ddysgu bob agwedd ar sut i drwsio ceir, gwnes i ddysgu am dechnolegau newydd ac esblygol o ran cerbydau newydd. Fe wnes i edrych ymhellach ar ddiagnosis a pham a sut mae diffygion yn digwydd ar gerbydau.

“Ar Lefel 3 roedden ni’n edrych yn fanylach ar wahanol gydrannau cerbydau, er enghraifft fe wnaethon ni ymchwilio i’r gwahanol drosglwyddiadau sydd ar gael a chydrannau’r llinell yrru. Hefyd fe wnaethon ni astudio injans yn fanwl a’u cydrannau sylfaenol yn ogystal â’r synwyryddion a’r modiwlau sy’n rhan o hynny, systemau cyfathrebu cerbydau a chydrannau trydanol. Mae’r rhain yn rhoi gwell dealltwriaeth i chi o gerbydau ar y ffordd fel y gallwch chi wneud diagnosis cywir a darparu profiad gwell i’r cwsmer.

“Bu’r cwrs o gymorth mawr i mi yn fy ngyrfa gan fy mod i wastad wedi bod yn gyndyn i ymchwilio i’r ochr drydanol gan eu bod bob amser mor gymhleth i weithio gyda nhw. Ond rwan mae gen i’r hyder i wneud diagnosis o broblem boed yn drydanol neu’n broblem mecanyddol a bod 100% yn hyderus ynof fi fy hun fy mod i wedi darganfod y diagnosis cywir trwy ddod o hyd i namau.

“Mae’n bosib mai dyma un o’r pethau gorau dwi wedi’i wneud i gynorthwyo fy ngyrfa, ac fe fyddwn i’n argymell yn fawr i unrhyw sydd ddim yn siŵr ynglŷn â gwneud y cymhwyster fynd ymlaen a gwneud hynny, mae wedi bod yn amhrisiadwy i mi!”