Cyflwyniad i Roboteg Ddiwydiannol - 3 Diwrnod

Mae'r cwrs hwn yn gyflwyniad i raglennu robotiaid diwydiannol. Dylai unrhyw un sydd â diddordeb mewn roboteg neu sydd am ehangu eu sgiliau i ddechrau gyrfa mewn rhaglennu robotiaid diwydiannol wneud cais. Bydd myfyrwyr yn dysgu sut i weithredu robotiaid diwydiannol, creu, golygu a phrofi rhaglenni newydd yn ogystal â dysgu am agweddau diogelwch robotiaid diwydiannol. Bydd myfyrwyr yn cael cyflwyniad i robotiaid KUKA, ABB, Mitsubishi ac UR yn ystod y cwrs.

Bydd y cwrs yn gorffen gyda thasg raglennu ymarferol lle bydd dysgwyr yn rhaglennu robot KUKA i gyflawni tasg gweithgynhyrchu diwydiannol efelychiadol.

Caiff y cwrs ei gyflwyno gan ddefnyddio amrywiaeth o galedwedd gan gynnwys llinell gynhyrchu efelychiadol mecatroneg helaeth, robotiaid diwydiannol amrywiol a meddalwedd efelychu.

Deilliannau Dysgu

Ar y cwrs hwn, byddwch chi’n trafod:

Beth yw robotiaid diwydiannol a pham ein bod ni’n defnyddio awtomatiaeth.
Sut mae peiriannau’n synhwyro’r byd - cyflwyniad i synwyryddion a thrawsddygiaduron.
Mathau o robotiaid sy’n cael eu defnyddio’n gyffredin mewn awtomatiaeth ddiwydiannol.
Effeithyddion Pen braich ac Offer Pen Braich Robotiaid (EOAT).
Sut mae prosesau awtomatiaeth yn cael eu rheoli.
Gweithgareddau ymarferol yn ymchwilio i linell gynhyrchu efelychiadol.
Technegau rheoli lleoliad a chyflymder.
Manyldeb, cywirdeb a chyfyngiadau robotiaid modern.
Diogelwch a chynnal a chadw robotiaid.
Dulliau rhaglennu.
Defnyddio rheolwyr gwregys
Gweithgaredd ymarferol yn rheoli robot diwydiannol modern.
Paratoi rhaglen.
Mathau o symudiadau.
Rheoli cyflymder, gwrthdrawiadau a breciau.
Systemau cydlynu gwahanol ac effeithlonrwydd llwybrau.