Lefel 2 mewn Therapi Harddwch

Does dim gofynion mynediad gofynnol na gofynion profiad blaenorol sydd wedi’u cytuno arnynt yn genedlaethol, ond mae’n bosib defnyddio’r meini prawf dethol canlynol fel arweiniad. Oherwydd bod gan y diwydiant ddisgwyliadau cleientiaid uchel a’i fod yn dibynnu ar fusnes ailadroddus, caiff pwysigrwydd ei roi i:

• Gyflwyniad personol priodol gan gynnwys dillad, gwallt a hylendid personol.
• Sgiliau ymarferol, trefniadol a chymdeithasol.
• Sylw i fanylder a glanweithdra.
• Natur empathig a chyfeillgar gyda sgiliau cyfathrebu effeithiol.
• Parodrwydd i weithio oriau/diwrnodau hyblyg fel y cytunwyd yn y telerau ac amodau cyflogaeth.
• Gwydnwch corfforol ac emosiynol
• Lefel uchel o ddeheurwydd a chydsymud.

• Mae angen i brentisiaid posibl sydd â thueddiad i rai cyflyrau croen neu alergeddau, fel dermatitis galwedigaethol, ecsema neu asthma, ddeall y gallai rhai o’r cynhyrchion, y cemegau a’r fformwleiddiadau sy’n cael eu defnyddio mewn Therapi Harddwch gael effeithiau sylweddol ar eu hiechyd. Rhaid i brentisiaid gael eu cyfweld bob amser gan eu darpar gyflogwr a darparwr hyfforddiant. Gallant ystyried brwdfrydedd ac angerdd am y pwnc yn bwysicach na chymwysterau ffurfiol. Am y rheswm hwn mae’r Sector Gwallt a Harddwch wedi dewis peidio â bod yn rhy ragnodol ynghylch gofynion mynediad. Mae’n fanteisiol cael profiad blaenorol o weithio yn y diwydiant Therapi Harddwch, torri gwallt dynion neu drin gwallt.

Dyma un o ddau gymhwyster VTCT mewn therapi harddwch ar lefel 2. Er bod y ddau gymhwyster yn cymhwyso dysgwyr i ddod yn arbenigwyr harddwch a chael cyflogaeth ar lefel iau, mae’r cymhwyster hwn yn ei gwneud yn ofynnol i ddysgwyr weithio mewn salon harddwch masnachol, lle mae’n rhaid cynnal asesiadau ar gleientiaid sy’n talu go iawn yn unol ag amseroedd gwasanaeth masnachol.

I raglen prentisiaeth Lefel 3 mewn Therapi Harddwch. I gyflogaeth fel therapydd harddwch iau neu dechnegydd ewinedd iau neu rolau swyddi yn y diwydiannau cysylltiedig â harddwch.

I gael rhagor o fanylion cysylltwch â’r tîm Ymgysylltu â Chyflogwyr drwy 0300 30 30 006 neu anfonwch e-bost at cyflogwyr@cambria.ac.uk