Cymorth i Fyfyrwyr

Mae’r llyfrgelloedd ar safleoedd y coleg ac maent yn lle gwych i ddod a bod yn rhan o fywyd y coleg.

Siaradwch â’n tîm cyfeillgar am sut y gallwn eich cefnogi chi gyda’ch astudiaethau.

Mae gennym ystod wych o adnoddau i’ch helpu gyda gwaith cwrs.

Mae’r rhain yn ystyried eich dewis a’ch dull dysgu eich hun a gellir eu defnyddio yn y coleg neu wrth astudio gartref.

Os yw’n well gennych chi gael print mae gennym ystod ardderchog o lyfrau sy’n cefnogi eich cwrs.

Mae ein casgliad digidol yn cynnig platfformau fideo o ansawdd uchel i wella eich gwybodaeth ac mae gennym un o’r casgliadau e-lyfrau sy’n cael ei ddefnyddio amlaf a’r un mwyaf yng Nghymru! Mae ein llyfrgelloedd yn groesawgar, cynhwysol ac wedi’u dylunio i weddu eich anghenion.

Mae gennym ddigon o gyfrifiaduron a Chromebooks ar gael i chi eu defnyddio a gallwch chi fenthyg Chromebooks i astudio gartref.

Os mae angen cymorth arnoch chi gyda’ch gwaith cwrs, aseiniadau, arholiadau neu, rydych yn cael trafferth i fodloni terfynau amser ac mae angen cymorth ychwanegol arnoch chi gallwn gynnig awgrymiadau defnyddiol ar sut i gynllunio a chadw mewn rheolaeth.

Mae gennym dîm o hwyluswyr sgiliau a allai gael cyfarfod un i un gyda chi i drafod strategaethau i lwyddo. Dyma rai o’r pynciau y gallwn ni roi cymorth i chi arnynt:

• Cynllunio a threfnu eich amser
• Technegau arholiad ac adolygu
• Creu aseiniad da
• Ymchwilio a dod o hyd i ffynonellau gwybodaeth
• Sgiliau cyflwyno
• Sgiliau digidol
• Meddwl yn feirniadol

Mae ein Cynghorwyr Gyrfa yn rhoi cymorth i ddarpar fyfyrwyr ar ddewis y cwrs cywir yn ogystal â chynnig cyngor ac arweiniad ar ddatblygu eich gyrfa a chynllunio eich cam nesaf ar ôl coleg – boed hynny’n cael swydd neu brentisiaeth neu fynd i’r brifysgol. Ni yw eich porth i gael gwybod am wahanol yrfaoedd a chyfleoedd yn y byd gwaith.

Gallwn eich helpu gyda:

• Dewis y cyrsiau iawn i chi yng Ngholeg Cambria
• Gwneud cais i brifysgol – gallwn eich cynorthwyo i feddwl am yr hyn yr hoffech ei wneud – ac ymhle, a byddwn yn helpu i ysgrifennu datganiadau personol a chyflwyno ceisiadau UCAS.

Os ydych chi wedi astudio trwy gyfrwng y Gymraeg neu’n ddwyieithog yn yr ysgol, gallwch chi barhau i wneud hynny yng Ngholeg Cambria.

Mae llawer o’n cyrsiau’n cael eu cyflwyno’n ddwyieithog a gallant roi’r cyfle i chi barhau i ddatblygu eich sgiliau yn y Gymraeg a’r Saesneg.

Gallwch chi wneud y canlynol yn Gymraeg:

• Cyflwyno gwaith ysgrifenedig a chael nodiadau dwyieithog
• Astudio cyrsiau neu fodiwlau penodol
• Cwblhau profiad gwaith mewn amrywiaeth o amgylcheddau lle mae’r Gymraeg yn cael ei siarad
• Asesiadau, cyfweliadau mynediad, tiwtorialau, mentora a chyfarfodydd.

Yma yng Ngholeg Cambria rydym yn ymdrechu i gynorthwyo ac addysgu dysgwyr am eu hiechyd meddwl a’u llesiant. Trwy gyflwyno technegau iach sy’n cynorthwyo ein llesiant i’n trefn bob dydd, y mwyaf gwydn y gallwn ei deimlo.

Rydym yn gwybod y gall iechyd meddwl a llesiant gael effaith sylweddol ar eich profiad yn y coleg. Mae ein Tîm Iechyd Meddwl a Llesiant yn angerddol am ddarparu’r gefnogaeth a’r adnoddau gorau sy’n hybu eich llesiant ac iechyd meddwl da.

Mae hyn yn cynnwys;

• Cymorth gan staff llesiant ymroddedig sydd ag arbenigedd mewn trawma ar draws holl safleoedd y coleg
• Cymorth wedi’i deilwra ar gyfer pontio i mewn ac allan o’r coleg
• Hybiau Llesiant a hybiau dros dro ar draws ein safleoedd sy’n darparu lleoliadau diogel, tawel i chi ymlacio a chymryd rhan mewn gweithgareddau meddwlgarwch
• Cymorth gan ein Hanogwyr Gwydnwch a Chymorthyddion Llesiant i helpu i nodi a goresgyn rhwystrau i ddysgu
• Cwnsela wyneb yn wyneb
• Gweithgareddau iechyd meddwl a llesiant trwy gydol y flwyddyn
• Sesiynau a chymorth iechyd meddwl a llesiant 1:1, wedi’u teilwra’n arbennig i ddiwallu’ch anghenion a’ch helpu i lwyddo
• Cymorth i oresgyn gorbryder yn ymwneud â chymdeithasu, mynd i’r coleg neu deithio i’r coleg
• Gwaith aml-asiantaeth gan gynnwys cyfeiriadau a chyfeirio cymdeithasol.

Efallai nad yw Caplaniaeth yn air cyfarwydd i bawb, ond mae’n syml iawn. Mae Caplaniaeth yn bodoli i helpu staff a myfyrwyr deimlo’n gysylltiedig a’u bod yn cael eu gwerthfawrogi yng nghymuned y coleg. Mae Caplaniaeth yn cydweithio â’r timau cymorth i helpu gwneud Coleg Cambria yn lle cefnogol a chynhwysol i ddysgu a gweithio. Rydym yn chwilio am syniadau ac awgrymiadau gennych chi bob amser am bethau y gallwn ni eu gwneud yn well, neu feysydd yr hoffech chi i’r Gaplaniaeth eu harchwilio.

Rydym yn cynnig llawer o wahanol brosiectau a chymorth gan gynnwys:

• Llesiant Ysbrydol – Gweithdai a digwyddiadau yn edrych ar ysbrydolrwydd a hunaniaeth
• Byw yn y Gwyllt – Archwilio ysbrydolrwydd trwy sgiliau coedwig a chyfarfyddiadau natur
• Ymwybyddiaeth Aml-Ffydd – Gweithdai ac adnoddau rhyngweithiol ar holl grefyddau mawr y byd, gan gynnwys digwyddiadau i nodi gwyliau crefyddol a diwrnodau byd arwyddocaol o Pride i Ddiwrnod Cofio’r Holocost.
• Cymorth Ffydd – Gan gynnwys cyngor arbenigol, ystafelloedd gweddïo a chymorth gweddïo, cymorth argyfwng ffydd a rhagor.

Os fyddwch chi’n ymuno â ni fel myfyriwr llawn amser, mae digonedd o gymorth ar gael i chi. Bydd yr ystod o gymorth ariannol yn dibynnu ar eich amgylchiadau a ble byddwch chi’n astudio.