Home > Cymorth i Fyfyrwyr

Cymorth i Fyfyrwyr

Got a question?

Here’s how you can get in touch

Got a question?

Here’s how you can get in touch

Anogwyr Cynnydd

Un o’n prif flaenoriaethau yw eich cefnogi chi. Dyna pam, o’r funud y byddwch yn ymuno â Choleg Cambria, byddwch yn cael cymorth penodol gan eich Anogwr Cynnydd yn rheolaidd.

Bydd yr Anogwr Cynnydd yn gysylltiedig â’ch maes pwnc felly byddant yn bwynt cyswllt ac yn gymorth gwych i chi o’r diwrnod cyntaf!

Hefyd byddwch yn cymryd rhan mewn sesiynau grŵp sydd wedi’u llunio i ddatblygu ymwybyddiaeth ar draws ystod o bynciau allweddol yn ogystal â chyfarfodydd 1:1 gyda’ch anogwr. Yn y cyfarfodydd hyn, byddant yn monitro eich cynnydd yn fanwl i ddeall beth yw’r ffordd orau i’ch helpu yn ystod eich amser gyda ni.

Bydd eich Anogwr Cynnydd yn eich helpu i ymgartrefu yn y coleg, eich arwain trwy’r cwrs a bywyd ehangach y coleg, cynnig cymorth trwy amseroedd anodd, monitro cynnydd yn fanwl, a dathlu llwyddiannau wrth gwrs!

I gael rhagor o wybodaeth am anghenion dysgu ychwanegol, cliciwch yma (ADY)

Eich Cefnogi Chi

Os oes gennych chi anghenion dysgu ychwanegol, bydd ein Tîm Cymorth Ychwanegol yn gweithio gyda chi i sicrhau bod gennych chi bopeth sydd ei angen arnoch i gyflawni eich potensial llawn. Byddwn yn eich helpu i gyflawni eich nodau gan wneud Cynllun Dysgu Ychwanegol gyda chi. Byddwn yn darparu cyfarpar arbenigol os oes angen i’ch cefnogi yn eich astudiaethau a gallwn drefnu tiwtorialau rheolaidd ar ddiwrnodau sy’n addas i chi.

Gofalwyr a Gofalwyr Ifanc

Rydym yn gwybod y gall bod yn ofalwr neu’n ofalwr ifanc fod yn hynod o heriol. Rydym wedi ymrwymo i wella eich llesiant a’ch cyfleoedd cyffredinol yn ystod eich amser gyda ni. I gael rhagor o wybodaeth, cysylltwch â’r studentservices@cambria.ac.uk

Plant sy'n Derbyn Gofal

Os ydych chi’n blentyn sy’n derbyn gofal, rydym yn deall y gallai hyn effeithio ar eich profiad yn y coleg. Dyna pam rydym wedi ymrwymo i’ch helpu chi ym mhob ffordd bosibl. Os oes angen unrhyw wybodaeth neu gymorth arnoch chi, mae pob croeso i chi gysylltu â Gwasanaethau Myfyrwyr ar 0300 303 0007 i ebost studentservices@cambria.ac.uk

Caplaniaeth

Mae Caplaniaid Cambria ac Ymgynghorwyr Ffydd yma i bawb: ar gyfer pobl o bob ffydd, a heb ffydd. Maen nhw yma i wrando a’ch cefnogi chi os ydych chi angen rhywun i siarad â nhw.

Ymgynghorwyr Ffydd

Mae gennym Ymgynghorwyr Ffydd hefyd i sicrhau y gallwn ni eich cefnogi ni waeth beth yw eich ffydd (neu os nad oes gennych chi un). Ar hyn o bryd mae gennym ni Ymgynghorwyr Ffydd Bahá’í, Hindw, Iddewig, Mwslim, Sikh a Chrynwyr. Trwy gydol y flwyddyn maent yn tynnu sylw at amrywiaeth o wyliau crefyddol, ymweld â mannau addoli, a chynnig sesiynau holi ac ateb gyda phobl o wahanol ffydd, gan roi cyfle i chi ddysgu am grefyddau a gwerthoedd eraill.

Cyfleusterau

Mae ein cyfleusterau’n cynnwys mannau i chi weddïo, bod yn dawel neu fyfyrio, ac mae gennym gyfleusterau golchi yn Iâl. Cysylltwch â ni i gael manylion.

Ffoniwch – 0300 303 0007
E-bostiwch – chaplaincy@cambria.ac.uk

Caplaniaeth

Daw ein caplaniaid o gefndiroedd Cristnogol amrywiol gan gynnwys Anglicanaidd, Catholig, Presbyteraidd, a Chaplaniaid Eglwys Rydd. Maent yn cefnogi amrywiaeth o ddigwyddiadau’r coleg trwy gydol y flwyddyn gan gynnwys Gwyliau Gweithgareddau ac Wythnos Iechyd Meddwl, yn ogystal â thynnu sylw at wyliau Cristnogol. Gall caplaniaid hefyd gynnal grwpiau myfyrwyr lle gallai myfyrwyr fod eisiau cyfarfod ag eraill sydd â chredoau tebyg neu archwilio’r cwestiynau mawr. Maen nhw hefyd yn hapus iawn i weddïo gyda chi, neu ar eich rhan chi, os yw hyn yn rhywbeth yr hoffech chi wneud hynny. Maen nhw hefyd yn hapus i rannu eu ffydd bersonol â chi, ond ni fyddant byth yn dweud wrthych beth i’w gredu nac yn ceisio gwneud ichi newid eich credoau eich hun.

Eich Cadw'n Ddiogel

Mae eich diogelwch a’ch lles yn hynod o bwysig i ni, a dyna pam y byddwn yn eich helpu i oresgyn unrhyw rwystrau i lwyddo, cyflawni a symud ymlaen. Rydyn ni eisiau i chi deimlo’n ddiogel, eich bod yn cael eich cefnogi a gofalu amdanoch mewn amgylchedd oedolion. Bydd ein staff yn sicrhau eich bod yn ddiogel yn y coleg ac ar leoliadau gwaith, a byddwn wrth law i’ch helpu gydag anawsterau personol. Mae peth o’r help rydyn ni’n ei gynnig yn cynnwys cyngor ac arweiniad gyrfaoedd arbenigol, cymorth prifysgol, cyngor ariannol, a threfnu profiad gwaith neu gwnsela unigol.

Os oes angen cymorth arnoch, gallwch gysylltu â ni yma:

Diogelu

Mae gennym Dîm Diogelu sy’n cynnwys pum Swyddog Llesiant a Chydlynydd Diogelu. Mae ein Tîm Diogelu blaenllaw wedi’u hyfforddi’n arbennig mewn ymateb i amheuon, datgeliadau o gam-drin neu achosion o weld cam-drin. Mae’r coleg hefyd yn:

Cymryd agwedd gadarnhaol at greu diwylliant ac amgylchedd lle mae diogelu plant ac oedolion sy’n agored i niwed rhag niwed neu anafiadau posibl yn flaenoriaeth.
Cymryd pob cam priodol i fynd i’r afael â phryderon am les plant ac oedolion sy’n agored i niwed.
Gweithio i bolisïau a gweithdrefnau lleol y cytunwyd arnynt mewn partneriaeth lawn ag asiantaethau lleol eraill.
Cynllunio, gweithredu, monitro ac adolygu polisïau a gweithdrefnau i sicrhau bod cymaint â phosibl yn cael ei wneud i wella amgylchedd diogel ar gyfer lles plant ac oedolion sy’n agored i niwed.

Mae Coleg Cambria wedi ymrwymo i’ch cadw’n ddiogel, yn y coleg a thu allan i’r coleg, tra byddwch yn fyfyriwr yma. Os oes angen i chi siarad am eich diogelwch, cysylltwch â’r tîm diogelu ar 0300 30 30 007, e-bost safeguarding@cambria.ac.uk neu galwch heibio Gwasanaethau Myfyrwyr.

Myfyrwyr Llawn Amser

Os fyddwch chi’n ymuno â ni fel myfyriwr llawn amser ac rydych yn 16-18 oed, mae digonedd o gymorth ar gael i chi. Bydd yr ystod o gymorth ariannol yn dibynnu ar eich amgylchiadau a ble byddwch chi’n astudio.

Beth sydd angen i chi ei wybod

Os ydych chi’n byw yng Nghymru, gallech fod yn gymwys i gael Lwfans Cynnal Addysg (LCA). Os ydych chi’n 19 neu’n hŷn gallech fod yn gymwys i gael Grant Dysgu Llywodraeth Cymru. Hefyd gallech fod yn gymwys i gael Cronfa Ariannol Wrth Gefn.

Lwfans Cynnal Addysg (LCA)

Mae’r Lwfans Cynnal Addysg (LCA) Cymru ar gael i chi os ydych chi’n fyfyriwr llawn amser 16 i 18 oed sy’n byw yng Nghymru. Os ydych chi’n gymwys byddwch yn cael lwfans o £30 yr wythnos.

Cyn i chi wneud cais ar gyfer y LCA mae ychydig o bethau y bydd angen i chi wirio i sicrhau eich bod yn gymwys, fel:
Dyddiad geni – rhaid i chi fod yn 16-18 oed ar ddiwrnod cyntaf eich cwrs
Cwrs – rhaid i chi fod yn astudio mewn ysgol neu goleg ar gwrs ‘cymwys’
Incwm y cartref – rhaid i hwn fod yn is na lefel benodol er mwyn cael y LCA
Cenedligrwydd a phreswylfa – os ydych chi’n ddinesydd y DU yn byw yng Nghymru, dylech fod yn gymwys am LCA

Gwnewch gais drwy becyn gwneud cais sydd i’w gael o’r Gwasanaethau Myfyrwyr neu drwy lawrlwytho ffurflen gais o’r wefan Cyllid Myfyrwyr Cymru.

Grant Dysgu Llywodraeth Cymru:

Mae Grant Dysgu Llywodraeth Cymru ar gael i chi os ydych chi’n fyfyriwr 19 oed ac ar gwrs llawn amser neu ran amser dros 275 awr y flwyddyn ac rydych chi’n byw yng Nghymru. Mae’n grant o hyd at £1,500 sydd wedi’i asesu ar incwm, ac sydd â’r nod o’ch annog chi i barhau gyda’ch addysg, ble na allai hyn fod yn bosibl fel arall. Gwnewch gais drwy becyn gwneud cais sydd i’w gael o’r Gwasanaethau Myfyrwyr neu drwy lawrlwytho ffurflen gais o’r wefan Cyllid Myfyrwyr Cymru.

Cronfa Ariannol Wrth Gefn

Mae’r Gronfa Ariannol Wrth Gefn ar gael i chi os ydych chi’n fyfyriwr llawn amser neu ran amser sy’n 16 oed neu’n hŷn, ac sydd ag anawsterau wrth gwblhau eich cwrs oherwydd heriau ariannol.

Os ydych chi'n byw y tu allan i Gymru gallwch ddod o hyd i wybodaeth yma

Myfyrwyr Addysg Uwch:

Fel myfyriwr Addysg Uwch, gallwch gael amrywiaeth o gymorth ariannol. Mae’r Cwmni Benthyciadau i Fyfyrwyr yn cynnig benthyciadau a grantiau i unrhyw un sy’n astudio cyrsiau addysg uwch yng Ngholeg Cambria. Mae bod yn gymwys i gael benthyciad neu grant yn dibynnu ar y math o gwrs a ble rydych chi’n byw.

Beth sydd angen i chi ei wybod

Bwrsariaethau AU

Gall Coleg Cambria gynnig bwrsariaeth £1000 i chi os ydych yn symud ymlaen (er enghraifft o Lefel 3 a Mynediad i AU) i astudio un o’r cyrsiau a ganlyn yng Ngholeg Cambria:

FdA Astudiaethau Plentyndod
FdA Addysg (Cymorth i Ddysgwyr)
FdA Addysg (Anghenion Addysgol Arbennig)

Byddwn yn talu’r fwrsariaeth mewn dau randdaliad o £500:

Blwyddyn 1, ar ddiwedd Semester 2
Blwyddyn 2, ar ddiwedd Semester 2

Mae’n rhaid cadw at yr amodau a ganlyn er mwyn gweinyddu’r bwrsari:

Mae’r brifysgol wedi cadarnhau bod y ffioedd dysgu wedi’u talu hyd yn hyn.
Mae gan y myfyriwr gofnod presenoldeb sy’n uwch na 90%
Mae gwaith y myfyriwr i gyd yn gyfoes (i’w gadarnhau gan arweinydd y rhaglen).

I gael rhagor o wybodaeth:

Gallwch ddod o hyd i ragor o wybodaeth am y cymorth ariannol ychwanegol drwy glicio ar y canlynol:

Myfyrwyr Rhan Amser

Gall myfyrwyr rhan amser sy’n astudio yng Nghymru wneud cais am ystod o gymorth ariannol gan gynnwys:

Grant Oedolion Dibynnol
Grant Gofal Plant
Lwfans Dysgu i Rieni
Lwfans Myfyrwyr Anabl

Ffioedd Cyrsiau Rhan Amser

Mae’r ffioedd a ddangosir wrth ymyl cyrsiau rhan amser yn cynnwys hyd at y flwyddyn astudio gyntaf yn unig. Ar gyfer cyrsiau dwy neu dair blynedd, bydd yr un ffi yn daladwy unwaith eto ar ddechrau eich ail a’ch trydedd flwyddyn astudio. Bydd angen prawf arnoch chi wrth gofrestru os yw eich cwmni’n talu ffi eich cwrs.

Debyd uniongyrchol

Gallwch ein talu drwy ddebyd uniongyrchol os yw cost eich cwrs yn uwch na £200. Byddwch yn gymwys i dalu hanner y gost ymlaen llaw ac yna talu’r gweddill dros 3 mis.

Egluro Cyllid Myfyrwyr

Play Video

Sut i wneud cais am gyllid i fyfyrwyr

Play Video

Cymraeg

Mewnrwyd Staff

Hwb Myfyrwyr

Gwnewch Gais Rŵan

Cymreag

Gwnewch Gais Rŵan

Cymorth i Fyfyrwyr

Got a question?

Here’s how you can get in touch

Contact us

Email

Follow us

Got a question?

Here’s how you can get in touch

Contact us

Email

Follow us

Anogwyr Cynnydd

I gael rhagor o wybodaeth am anghenion dysgu ychwanegol, cliciwch yma (ADY)

Eich Cefnogi Chi

Caplaniaeth

Eich Cadw'n Ddiogel

Os oes angen cymorth arnoch, gallwch gysylltu â ni yma:

Cysylltwch â ni

E-bost

Diogelu

Myfyrwyr Llawn Amser

Beth sydd angen i chi ei wybod

Os ydych chi'n byw y tu allan i Gymru gallwch ddod o hyd i wybodaeth yma

Myfyrwyr Addysg Uwch:

Beth sydd angen i chi ei wybod

I gael rhagor o wybodaeth:

Myfyrwyr Rhan Amser

Egluro Cyllid Myfyrwyr

Sut i wneud cais am gyllid i fyfyrwyr

Gwefan gan Lda.

© 2022 Cambria

Mewnrwyd Staff

Hwb Myfyrwyr