Home > Eich Cynorthwyo Chi > Cymorth i Fyfyrwyr > Canolfan Brifysgol Cymorth i Fyfyrwyr

Canolfan Brifysgol - Cymorth i Fyfyrwyr

Fel Canolfan Brifysgol ymroddedig i ddarparu profiad addysgol cynhwysfawr, yn Cambria rydym yn deall bod myfyrwyr yn wynebu heriau unigryw yn ystod eu taith academaidd. Dyma pam rydym wedi ymrwymo i gynnig ystod o wasanaethau cymorth i fyfyrwyr ffynnu.

Mae ein Timau Gwasanaethau Myfyrwyr wedi’u lleoli ar bob un o’n safleoedd, ac maen nhw yma i ddarparu cymorth ac arweiniad ar faterion personol, ariannol, ac academaidd, gan gynnwys gwybodaeth a chyngor ar gyrsiau a chyfleoedd gyrfa yn y dyfodol.

Rydym wedi ymrwymo i’ch cynorthwyo chi mewn unrhyw ffordd y gallwn ni, er mwyn i chi gyflawni eich nodau academaidd a llwyddo mewn bywyd.

Cymerwch gip isod ar rai o’r ffyrdd gallai’r tîm Gwasanaethau Myfyrwyr eich helpu chi.

Gallwch chi gysylltu â Gwasanaethau Myfyrwyr wrth ffonio 0300 30 30 007 neu anfonwch e-bost at gwasanaethaumyfyrwyr@cambria.ac.uk.

Cwnsela a Gwytnwch

Rydym yn cydnabod y gall iechyd meddwl a llesiant gael effaith sylweddol ar brofiad myfyrwyr. Mae’r tîm yng Nghanolfan Brifysgol Cambria yn angerddol am ddarparu’r cymorth a’r adnoddau gorau posib i gefnogi llesiant ac iechyd meddwl da.

Nid oes unrhyw feini prawf i’w fodloni, gallai myfyrwyr gyfeirio eu hunain ar gyfer Hyfforddiant Gwytnwch, Cwnsela, cymorth Lles ar yr Hwb Myfyrwyr, siarad â’u Tiwtor Cwrs, galw heibio Gwasanaethau Myfyrwyr neu anfon e-bost at gwasanaethaumyfyrwyr@cambria.ac.uk

Darganfyddwch ragor am Gymorth Iechyd Meddwl yma.

Gwybodaeth, Cyngor ac Arweiniad Gyrfaoedd

Gall ein Cynghorwyr Gyrfa a’r Tîm Gwasanaethau Myfyrwyr gynorthwyo myfyrwyr gyda chwestiynau am eu camau nesaf, neu os ydynt yn ansicr am eu cwrs presennol.

Wrth ddefnyddio gwybodaeth a thueddiadau diweddar y farchnad lafur, gallant helpu myfyrwyr i ymchwilio gyrfaoedd ym mhob sector gwaith.

Ar ben hynny, mae gennym Gydlynydd Menter ac Entrepreneuriaeth, sy’n gallu cynnig arweiniad a chymorth ar hunan gyflogaeth a dechrau busnes trwy weithdai, siaradwyr gwadd a chlybiau menter.

Ar gyfer unrhyw ymholiadau neu ragor o wybodaeth anfonwch e-bost at careers@cambria.ac.uk.

Cludiant

Yma yng Ngholeg Cambria mae gennym ni gysylltiadau da, gyda chludiant ar gael o amrywiaeth eang o leoliadau ar hyd Sir Ddinbych, Sir y Fflint a Wrecsam.

Mae rhwydwaith y Coleg am ddim i’w ddefnyddio, cyn belled â’ch bod yn byw 3 milltir i ffwrdd o’r safle. Am ragor o wybodaeth ac argaeledd, cysylltwch â Gwasanaethau Myfyrwyr.

Am unrhyw gymorth, cyngor neu arweiniad ynghylch eich cludiant i’r Coleg, anfonwch e-bost at transport@cambria.ac.uk.

Diogelu a Prevent

Mae Canolfan Brifysgol Cambria wedi ymrwymo i ddiogelwch a llesiant myfyrwyr ac mae’n darparu:

Tîm diogelu cefnogol ar bob safle
Dull gwrth-fwlio clir
Amgylchedd cefnogol i fyfyrwyr drafod pryderon neu faterion yn ymwneud â safbwyntiau eithafol, terfysgaeth neu beryglon radicaleiddio
Hyfforddiant a gwybodaeth Diogelu a Prevent i bawb.

Cliciwch isod i weld ein polisiau Diogelu a Prevent:

Os oes gennych chi unrhyw bryderon neu os rydych chi’n pryderu am unrhyw un arall ewch i’r Hwb Myfyrwyr.

Cymorth Ariannol

Gallai myfyrwyr gyrchu cymorth ariannol gan gynnwys:

Cludiant am ddim sydd ar gael o ystod eang o leoliadau ar draws tair sir
Brecwast am ddim i’r holl fyfyrwyr
Cyngor, gwybodaeth ac arweiniad gan staff sy’n hawdd mynd atynt ar bob safle.

Cyllid Myfyrwyr

Fel myfyriwr Addysg Uwch, gallwch chi gyrchu amrywiaeth o gymorth ariannol.

Mae’r Cwmni Benthyciadau Myfyrwyr a Chyllid Myfyrwyr Cymru yn cynnig benthyciadau (y byddwch yn eu had-dalu) a grantiau (nad ydych chi’n eu had-dalu) i unrhyw un sy’n astudio cyrsiau addysg uwch yng Ngholeg Cambria.

Bydd eich cymhwysedd yn dibynnu ar y math o gwrs, ble rydych chi’n byw ac incwm y cartref.

Bwrsariaethau AU

Gall Coleg Cambria gynnig taliad bwrsariaeth o £1000 i chi os ydych chi’n symud ymlaen o Goleg Cambria (e.e. lefel 3 a Mynediad i AU) i un o’r cyrsiau canlynol:

FdA mewn Astudiaethau Plentyndod

Caiff y fwrsariaeth ei thalu mewn dau daliad o £500:

blwyddyn 1, ar ddiwedd Semester 2
blwyddyn 2, ar ddiwedd Semester 2.

Er mwyn cael y fwrsariaeth, mae’n rhaid i chi gadw at yr amodau canlynol:

Bod â chadarnhad gan y Brifysgol bod ffioedd y cwrs wedi’u talu hyd yma
Mae gennych chi ganran presenoldeb o dros 90%
Rydych chi wedi cwblhau’r holl waith sydd angen ei gwblhau (wedi’i gadarnhau gan yr Arweinydd Rhaglen).

I Ddysgwyr Canolfan Brifysgol sy’n Byw yng Nghymru

Ffioedd Dysgu

Gallwch chi gael hyd at £9,250 y flwyddyn, yn dibynnu ar faint mae eich cwrs yn ei gostio. Nid yw’r swm rydych chi’n ei gael yn dibynnu ar incwm eich cartref.

Rydym yn talu’r benthyciad yn uniongyrchol i’ch prifysgol neu goleg. Mae’n rhaid i chi ei dalu yn ol, gan gynnwys llog ar ol i chi orffen neu adael eich cwrs. Peidiwch â phoeni, ar hyn o bryd nid oes rhaid i chi dalu unrhyw beth yn ol tan i chi fod mewn cyflogaeth ac ennill dros y trothwy ad-dalu o £524 yr wythnos, neu £2,274 y mis.

Cymorth gyda Chostau Byw

Gallech chi hefyd gael cymysgedd o fenthyciad a grant i helpu gyda’ch costau byw. Mae faint rydych chi’n ei gael yn dibynnu ar incwm eich cartref a ble rydych chi’n byw ac yn astudio.

Mae’r tablau hyn yn dangos amcangyfrif o faint y gallech chi ei gael yn seiliedig ar incwm eich cartref ar gyfer 2023/24:

Incwm Aelwydydd	Byw Gyda’ch Rhieni
	Benthyciad	Grant
£18,370 neu lai	£3,065	£6,885
£25,000	£4,020	£5,930
£35,000	£5,462	£4,488
£45,000	£6,903	£3,047
£59,200 neu ragor	£8,950	£1,000
Cyfanswm	£9,950

Incwm Aelwydydd	Byw i Ffwrdd o Gartref eich Rhieni
	Benthyciad	Grant
£18,370 neu lai	£3,620	£8,100
£25,000	£4,773	£6,947
£35,000	£6,512	£5,208
£45,000	£8,251	£3,469
£59,200 neu ragor	£10,720	£1,000
Cyfanswm	£11,720

Ewch i wefan Cyllid Myfyrwyr Cymru i weld manylion llawn yr holl gymorth ariannol a sut a phryd i wneud cais.

Dysgwyr sy’n Byw y Tu Allan i Gymru

Gall myfyrwyr sy’n byw y tu allan i Gymru ddod o hyd i wybodaeth am gyllid a phrosesau ymgeisio trwy’r dolenni canlynol:

Fideos Defnyddiol

I gael rhagor o wybodaeth

I gael rhagor o wybodaeth am y cymorth ariannol ychwanegol hwn, gallwch glicio’r canlynol:

Mae astudio gyda Chanolfan Brifysgol Cambria yn eich galluogi i gyrchu nifer o lyfrgelloedd llawn adnoddau ar draws safleoedd Cambria.

Mae’r llyfrgelloedd yn lleoedd diogel, cynhwysol a chroesawgar sydd wedi’u dylunio i gynorthwyo eich anghenion dysgu.

Mae gennym fannau astudio tawel ar gyfer gwaith grŵp neu unigol, gallech gyrchu cyfrifiaduron a Chromebooks ar y safle neu gallech chi eu benthyg a’u defnyddio gartref.

Mae cyfleusterau argraffu a chymorth i chi gysylltu â’ch teclyn eich hun i Wifi y coleg ynghyd â chymorth i gynyddu eich sgiliau digidol wrth astudio gyda ni.

Mae ein tîm ymroddedig yma i’ch helpu chi dros e-bost neu ar y ffôn.

Peidiwch ag oedi cyn cysylltu â’r tîm ar library@cambria.ac.uk am unrhyw ymholiadau am y llyfrgell.

Bydd gennych chi gyfleoedd i ofyn am gyngor gan weithwyr proffesiynol yn ogystal â thîm sgiliau academaidd cymwys i arwain eich taith dysgu.

Darperir cymorth academaidd 1:1 grŵp ac wedi’i deilwra ar ystod eang o bynciau academaidd allweddol gan gynnwys gwerthuso beirniadol, ymchwil effeithiol a chyfeirnodi gyda llwybrau syml a hygyrch i hunangyfeirio ar gyfer cymorth ychwanegol lle bo angen.

Yn ogystal ag arweiniad personol, byddwch chi’n gallu cyrchu llenyddiaeth ymchwil 24/7 o ansawdd uchel a adolygir gan gymheiriaid sy’n arwain y sector, ystod o lwyfannau e-lyfrau er mwyn i chi allu cyrchu eich darllen hanfodol ac ehangach yn hyblyg ynghyd â chyfleoedd i ofyn am deitlau llyfrau yr hoffech chi eu hychwanegu at gatalog y llyfrgell

Mae ein Cynghorwyr Gyrfa yn rhoi cymorth i ddarpar fyfyrwyr ar ddewis y cwrs cywir yn ogystal â chynnig cyngor ac arweiniad ar ddatblygu eich gyrfa a chynllunio eich cam nesaf ar ôl coleg – boed hynny’n cael swydd neu brentisiaeth neu fynd i’r brifysgol. Ni yw eich porth i gael gwybod am wahanol yrfaoedd a chyfleoedd yn y byd gwaith.

Gallwn eich helpu gyda:

Dewis y cyrsiau iawn i chi yng Ngholeg Cambria
Gwneud cais i brifysgol – gallwn eich cynorthwyo i feddwl am yr hyn yr hoffech ei wneud – ac ymhle, a byddwn yn helpu i ysgrifennu datganiadau personol a chyflwyno ceisiadau UCAS.

Mae ein Hanogwyr Cyflogadwyedd Siop Swyddi yn cynorthwyo ein myfyrwyr gyda’r canlynol:

Darganfod gwybodaeth am brentisiaethau a hyfforddiant yn y gwaith os ydych yn dymuno cael gwaith cyflogedig ac ennill cymhwyster ar yr un pryd.
Gwneud cais am swyddi, ysgrifennu CV a pharatoi ar gyfer cyfweliadau swyddi.

Darganfyddwch ragor am Siop Swyddi Coleg Cambria

Cysylltwch â ni i gael rhagor o fanylion

Bod yn Ddwyieithog yng Ngholeg Cambria

Yng Ngholeg Cambria rydym wedi ymrwymo i’ch helpu chi i ddatblygu eich sgiliau dwyieithog a fydd yn arwain at yrfa a bywyd llwyddiannus.

Mae dwyieithrwydd yn agor drysau i chi yn y byd gwaith ac yn cynyddu eich cyflogadwyedd. Gall gyfoethogi eich bywyd cymdeithasol a gwella eich meddwl a’ch creadigrwydd hefyd.

Astudio trwy gyfrwng y Gymraeg neu’n ddwyieithog

Os ydych chi wedi astudio trwy gyfrwng y Gymraeg neu’n ddwyieithog yn yr ysgol, gallwch chi barhau i wneud hynny yng Ngholeg Cambria.

Mae llawer o’n cyrsiau’n cael eu cyflwyno’n ddwyieithog a gallant roi’r cyfle i chi barhau i ddatblygu eich sgiliau yn y Gymraeg a’r Saesneg.

Gallwch chi wneud y canlynol yn Gymraeg:

Cyflwyno gwaith ysgrifenedig a chael nodiadau dwyieithog
Astudio cyrsiau neu fodiwlau penodol
Cwblhau profiad gwaith mewn amrywiaeth o amgylcheddau lle mae’r Gymraeg yn cael ei siarad
Asesiadau, cyfweliadau mynediad, tiwtorialau, mentora a chyfarfodydd.

Datblygu eich Sgiliau Cymraeg

Os nad oes gennych chi sgiliau Cymraeg neu os hoffech chi ddatblygu eich sgiliau, mae llu o gyfleoedd i chi wella a magu hyder i ddefnyddio’r Gymraeg yn eich maes pwnc.

Gallwch chi wneud y canlynol:

Cwblhau unedau sy’n berthnasol i’ch pwnc
Cwblhau cyrsiau blasu ar-lein
Mynd i ddosbarthiadau Cymraeg i ddatblygu eich sgiliau
Mynd i ddosbarthiadau Cymraeg i ddechreuwyr os nad oes gennych chi wybodaeth.

Os hoffech chi astudio yn Gymraeg neu ddatblygu eich sgiliau, gall ein tîm Cymraeg eich cefnogi chi wrth gynnig mentora ac arweiniad 1-1 i chi. Gallant eich helpu chi i wella eich sgiliau Cymraeg ysgrifenedig a gallant gyfieithu terminoleg a thermau technegol.

Hwyl yn Gymraeg

Mae gennym ystod o weithgareddau a digwyddiadau cymdeithasol ar gael i chi eu mwynhau o wyliau Cymraeg i deithiau dros nos.

Mae ein Swyddog Cangen Cymraeg yn cynnal digwyddiadau cymdeithasol ar bob safle ac yn cadw mewn cysylltiad trwy ein cyfrifon cyfryngau cymdeithasol.

Am ragor o fanylion cysylltwch â ni

Ein Cymorth

Yma yng Ngholeg Cambria rydym yn ymdrechu i gynorthwyo ac addysgu dysgwyr am eu hiechyd meddwl a’u llesiant. Trwy gyflwyno technegau iach sy’n cynorthwyo ein llesiant i’n trefn bob dydd, y mwyaf gwydn y gallwn ei deimlo.

Rydym yn gwybod y gall iechyd meddwl a llesiant gael effaith sylweddol ar eich profiad yn y coleg. Mae ein Tîm Iechyd Meddwl a Llesiant yn angerddol am ddarparu’r gefnogaeth a’r adnoddau gorau sy’n hybu eich llesiant ac iechyd meddwl da.

Mae hyn yn cynnwys;

Cymorth gan staff llesiant ymroddedig sydd ag arbenigedd mewn trawma ar draws holl safleoedd y coleg
Cymorth wedi’i deilwra ar gyfer pontio i mewn ac allan o’r coleg
Hybiau Llesiant a hybiau dros dro ar draws ein safleoedd sy’n darparu lleoliadau diogel, tawel i chi ymlacio a chymryd rhan mewn gweithgareddau meddwlgarwch
Cymorth gan ein Hanogwyr Gwydnwch a Chymorthyddion Llesiant i helpu i nodi a goresgyn rhwystrau i ddysgu
Cwnsela wyneb yn wyneb
Gweithgareddau iechyd meddwl a llesiant trwy gydol y flwyddyn
Sesiynau a chymorth iechyd meddwl a llesiant 1:1, wedi’u teilwra’n arbennig i ddiwallu’ch anghenion a’ch helpu i lwyddo
Cymorth i oresgyn gorbryder yn ymwneud â chymdeithasu, mynd i’r coleg neu deithio i’r coleg
Gwaith aml-asiantaeth gan gynnwys cyfeiriadau a chyfeirio cymdeithasol.

Ystyriol o Drawma

Rydym yn goleg arloesol am ymgorffori dulliau sy’n ystyriol o drawma yng Nghymru.

Rydym wedi cyfrannu at Fframwaith Cymru Sy’n Ystyriol o Drawma ac yn ei ddilyn gan gydweithio gyda Hyb ACE Cymru, gwasanaethau cymorth ehangach a sefydliadau addysgol eraill.

Ar hyn o bryd rydym yn hyfforddi ein holl staff ar draws y Coleg i fod yn ystyriol o drawma ac yn dechrau’r broses o adolygu prosesau a pholisïau wrth sicrhau bod ein diwylliant a’n iaith yn ystyriol o drawma er mwyn cynorthwyo ein staff a’n dysgwyr llawn amser a rhan-amser.

Rydym yn adfyfyrio ar ein cyfeiriad strategol a’n gwerthoedd Coleg ein hunain a sut rydym yn alinio’r rhain â bod yn gynhwysol ac yn wybodus ystyriol o drawma.

Rydym yn dilyn 5 egwyddor lleoliad sy’n ystyriol o drawma:

Dull cyffredinol nad yw’n gwneud unrhyw niwed
Canolbwyntio ar y person
Canolbwyntio ar y berthynas
Canolbwyntio ar wytnwch a chryfder
Cynhwysol

Rydym yn adnabod y gallwn wneud hyn wrth:

Ymgorffori diogelwch
Grymuso (llais a dewis)
Ymddiriedaeth (a thryloywder)
Mynd i’r afael â materion hanesyddol, rhywedd, diwylliannol a materion ehangach
Cymorth cyfoedion
Cydweithio a chydymddibyniaeth

Am ragor o wybodaeth ar y fframwaith ar gyfer Cymru Sy’n Ystyriol o Drawma ewch i: https://hybacecymru.com/

Am ragor o wybodaeth anfonwch e-bost atom neu ffoniwch.

Mae pob croeso i chi gysylltu a ni drwy anfon e-bost at wellbeing@cambria.ac.uk am unrhyw ymholiadau.

*Ar gyfer prentisiaid a dysgwyr yn y gwaith gallwn hefyd gynnig apwyntiadau ar-lein, y tu allan i oriau neu oddi ar y safle.

Efallai nad yw Caplaniaeth yn air cyfarwydd i bawb, ond mae’n syml iawn. Mae Caplaniaeth yn bodoli i helpu staff a myfyrwyr deimlo’n gysylltiedig a’u bod yn cael eu gwerthfawrogi yng nghymuned y coleg. Mae Caplaniaeth yn cydweithio â’r timau cymorth i helpu gwneud Coleg Cambria yn lle cefnogol a chynhwysol i ddysgu a gweithio. Rydym yn chwilio am syniadau ac awgrymiadau gennych chi bob amser am bethau y gallwn ni eu gwneud yn well, neu feysydd yr hoffech chi i’r Gaplaniaeth eu harchwilio.

Rydym yn cynnig llawer o wahanol brosiectau a chymorth gan gynnwys:

Llesiant Ysbrydol – Gweithdai a digwyddiadau yn edrych ar ysbrydolrwydd a hunaniaeth
Byw yn y Gwyllt – Archwilio ysbrydolrwydd trwy sgiliau coedwig a chyfarfyddiadau natur
Ymwybyddiaeth Aml-Ffydd – Gweithdai ac adnoddau rhyngweithiol ar holl grefyddau mawr y byd, gan gynnwys digwyddiadau i nodi gwyliau crefyddol a diwrnodau byd arwyddocaol o Pride i Ddiwrnod Cofio’r Holocost.
Cymorth Ffydd – Gan gynnwys cyngor arbenigol, ystafelloedd gweddïo a chymorth gweddïo, cymorth argyfwng ffydd a rhagor.

I gael rhagor o wybodaeth ffoniwch y Gwasanaethau Myfyrwyr neu anfonwch e-bost atom ni

Yma yng Nghanolfan Brifysgol Cambria, rydym wedi ymrwymo i gynhwysiant. Rydym yn hyrwyddo cydraddoldeb yn weithredol ac yn dathlu amrywiaeth.

Gyda’n dull cynhwysol a’r cymorth a’r addasiadau sydd ar gael, rydym yn gallu bodloni ystod eang o anghenion.

Mae cymorth cynhwysiant ar gael ar draws pob un o’n pum safle. Bydd ein dull yn cael ei deilwra i chi a’ch anghenion unigol.

Gallwch siarad â ni cyn i’ch cwrs ddechrau neu unrhyw adeg yn ystod eich cwrs astudio. Un ffordd y gallwch siarad â ni yw trwy anfon e-bost at hesupport@cambria.ac.uk.

Cymorth Arbenigol

Mae cymorth cynhwysiant ar gael ar draws pob un o’n pum safle. Bydd ein dull yn cael ei deilwra i chi a’ch anghenion unigol. Gallwch rannu unrhyw un o’ch anghenion cymorth gyda ni cyn i’ch cwrs ddechrau neu ar unrhyw adeg yn ystod eich cwrs astudio.

Os oes gennych chi anghenion dysgu ychwanegol, gall ein tiwtoriaid arbenigol gefnogi eich dysgu annibynnol.

Gallant eich helpu i ddatblygu sgiliau:

Defnyddio technolegau cynorthwyol
Strategaethau dysgu effeithiol
Rheoli amser
Techneg arholiadau a gorbryder
Sgiliau trefnu
A llawer rhagor

Os ydych chi’n meddwl y byddech yn cael budd o wneud cais am Lwfans i Fyfyrwyr Anabl, gall ein tîm ni eich cynorthwyo gyda hyn. I wneud cais am Lwfans i Fyfyrwyr Anabl mae’n rhaid bod gennych ddiagnosis meddygol o anabledd arnoch, neu ddiagnosis o Anawsterau Dysgu Penodol (SpLD).

Os ydych chi’n meddwl bod gennych chi Anawsterau Dysgu Penodol ond heb ddiagnosis, gall ein tîm eich helpu gyda hyn.

Technolegau cynorthwyol

Mae meddalwedd darllen ac ysgrifennu ar gael i chi pryd bynnag y bydd ei angen arnoch, ar ba bynnag gwrs y mae ei angen arnoch.

Yn dilyn cyfarfod ac asesiad cychwynnol, gallwn roi adnoddau i chi i gefnogi eich dysgu, fel:

Canllawiau a hyfforddiant am ddefnyddio meddalwedd cynorthwyol
Gliniaduron/Chromebooks o’r llyfrgell
Dewisiadau allweddell a llygoden eraill os oes angen
Dyfeisiau chwyddo cludadwy.

Lwfans i Fyfyrwyr Anabl

Fel myfyriwr Addysg Uwch (AU) gydag anabledd, gallech fod yn gymwys am gymorth trwy Lwfans i Fyfyrwyr Anabl.

Mae Lwfans i Fyfyrwyr Anabl yn helpu tuag at gostau a fydd gennych o bosib wrth astudio ar eich cwrs o ganlyniad uniongyrchol i’ch anhawster. Gallwch ddarganfod rhagor am y Lwfans i Fyfyrwyr Anabl a sut i wneud cais drwy wylio’r fideo canlynol ac ymweld â yourdsa.com.

Fideo gan gwmni allanol ‘Texthelp’.

Gwnewch gais am Lwfans i Fyfyrwyr Anabl cyn gynted ag y gallwch chi i sicrhau bod cymorth ar gael i chi cyn gynted â phosib.

Os oes angen rhagor o wybodaeth arnoch chi, ewch i’r dudalen ‘Cysylltwch â ni’ a gadewch eich manylion, neu anfonwch e-bost at hesupport@cambria.ac.uk.

Trefniadau Mynediad i Arholiadau

Os ydych chi’n ddysgwr Canolfan Brifysgol sydd ag Anawsterau Dysgu Penodol, anghenion corfforol neu feddygol, gallwch wneud cais am Drefniadau Mynediad i Arholiadau.

Mae’r trefniadau hyn yn rhoi mynediad cyfartal i chi i’r arholiadau heb newid gofynion yr asesiad.

Rhai enghreifftiau o drefniadau mynediad i arholiadau yw:

Amser ychwanegol
Defnyddio darllenydd
Defnyddio ysgrifennydd
Defnyddio prosesydd geiriau
Troshaenau lliw neu bapur
Ystafell lai neu ar wahân.

Os ydych chi wedi cael trefniadau mynediad i arholiadau yn y gorffennol, rhannwch y wybodaeth hon gyda ni yn ystod cofrestru.

Bydd angen i chi roi tystiolaeth o’ch anhawster dysgu neu anghenion meddygol i’ch darlithydd ADY arbenigol.

Byddant yn cyfarfod â chi yn ystod eich tymor cyntaf i roi’r trefniadau hyn ar waith, yn unol â chanllawiau’r partneriaid prifysgol.

Os oes angen rhagor o wybodaeth arnoch, ewch i’r dudalen Cysylltwch â ni i roi eich manylion cyswllt, neu anfonwch e-bost at hesupport@cambria.ac.uk..

Cwestiynau Cyffredin

A Oes Rhaid I Mi Ddatgelu Fy Anghenion Ychwanegol?

Mae rhoi gwybod i ni am eich anghenion unigol yn gynnar yn golygu y gallwn roi cymorth ar waith ar unwaith. Gallwch ddatgelu eich anghenion ar unrhyw gam o’ch taith ddysgu.

A fydd y cymorth fel cymorth yn yr ysgol?

Yn Cambria bydd eich anghenion cymorth yn cael eu bodloni gan dîm o bobl o’r enw’r Tîm Cynhwysiant. Bydd eich anghenion cymorth personol yn cael eu nodi a byddwch yn cael cymorth yn y dosbarth neu bydd yn cael ei ddarparu fel sesiwn ychwanegol y byddwch yn mynd iddi gyda Darlithydd Arbenigol neu Fentor.

Beth Yw Meddalwedd Gynorthwyol A Sut Y Gall Fy Helpu?

Gallwch ddefnyddio’r feddalwedd hon i’ch cynorthwyo i ddarllen testun ysgrifenedig, neu i deipio wrth i chi siarad. Mae wedi’i chysylltu â’ch cyfrif e-bost y coleg a gallwch ei ddefnyddio gartref.

Rwyf Wedi Cael Trefniadau Mynediad At Arholiadau (EAA) Yn Y Gorffennol, A Ddylwn i Ddweud Wrthych Chi Am Hyn?

Dylech, os hoffech chi i ni roi cymorth a/neu drefniadau mynediad i arholiadau ar waith yng Ngholeg Cambria.

Os Ydw I'n Cael Fy Asesu Yng Ngholeg Cambria A Ydych Chi'n Trosglwyddo'r Wybodaeth Hon I Sefydliadau Eraill?

Byddwn yn trosglwyddo gwybodaeth ymlaen os ydych chi’n rhoi caniatâd neu’n gofyn i ni wneud hynny. Er enghraifft caniatâd am drefniadau mynediad i arholiadau. Fodd bynnag, efallai ei fod yn syniad da rhoi gwybod am eich anghenion i sefydliadau eraill fel y gallai’r cymorth perthnasol gael ei roi ar waith.

Beth Yw Darlithydd Arbenigol?

Mae Darlithwyr Arbenigol yn cynorthwyo dysgwyr i ddatblygu annibyniaeth dysgu. Bydd Darlithydd Arbenigol yn cyflwyno eu hunain i’ch grŵp yn ystod y cyfnod ymsefydlu ar gyfer pob cwrs. Fel arfer bydd hyn yn digwydd yn ystod eich wythnos gyntaf yn Cambria. Ond, os oes angen i chi gysylltu â nhw cyn i chi gofrestru, mae pob croeso i chi anfon e-bost at hesupport@cambria.ac.uk..

Myfyrwyr Addysg Uwch

Fel myfyriwr Addysg Uwch, gallwch chi gyrchu amrywiaeth o gymorth ariannol. Mae’r Cwmni Benthyciadau Myfyrwyr yn cynnig benthyciadau a grantiau i unrhyw un sy’n astudio cyrsiau addysg uwch yng Ngholeg Cambria. Mae cymhwysedd yn dibynnu ar y math o gwrs a ble rydych chi’n byw.

Yn gryno:

Mae gan raddau a graddau sylfaen ffioedd y gellir eu hariannu gan fenthyciadau Ffioedd Dysgu
Mae prentisiaethau uwch fel arfer yn cael eu hariannu gan Lywodraeth Cymru
Gall cyrsiau proffesiynol gael eu hariannu gan eich cyflogwr, gennych chi neu gan brosiectau Ewropeaidd

Yr hyn sydd angen i chi ei wybod

Bwrsariaethau AU

Bwrsariaeth AU Cambria

I’r rhai sy’n dilyn gradd yng Nghanolfan Brifysgol Cambria efallai y byddwch chi’n gymwys i gael cymorth ariannol nad yw’n ad-daladwy trwy ein Bwrsariaeth AU Cambria.

Pwy sy’n gymwys*?

Y rhai sydd ar gwrs Addysg Uwch amser llawn
Y rhai sy’n talu eu ffioedd eu hunain o £7,500 neu ragor
Myfyrwyr sydd â’r lefel presenoldeb ofynnol
Myfyrwyr y mae eu haseiniadau wedi’u cwblhau a’u cyflwyno ar amser
Mae ymddygiad myfyrwyr yn unol â Chod Ymddygiad Coleg Cambria

Sut mae’n cael ei dalu?

Arian (gwobr sefydlog) i’ch cyfrif banc
Credyd Safle Cambria (sefydlog a dyfarniad mewn nwyddau trwy dalebau)

*Mae telerau ac amodau llawn yn berthnasol a bydd taliad yn cael ei ddal yn ôl os bydd y myfyriwr yn methu â bodloni’r amodau gofynnol

—

Bwrsariaethau eraill

Gall Coleg Cambria gynnig taliad bwrsariaeth o £1000 i chi os ydych yn symud ymlaen o Goleg Cambria (h.y. lefel 3 a Mynediad i AU) i un o’r cyrsiau canlynol:

FdA mewn Astudiaethau Plentyndod
FdA mewn Addysg (Cymorth i Ddysgwyr)
FdA mewn Addysg (Anghenion Addysgol Arbennig)

Mae’r fwrsariaeth yn cael ei thalu mewn dau randaliad o £500:

blwyddyn 1, ar ddiwedd Semester 2
blwyddyn 2, ar ddiwedd Semester 2

Er mwyn i’r fwrsariaeth gael ei rhoi i chi, rhaid cadw at yr amodau canlynol:

Bod â chadarnhad gan y Brifysgol bod ffioedd y cwrs wedi’u talu hyd yma
Mae gennych chi ganran presenoldeb o dros 90%
Rydych chi wedi cwblhau’r holl waith sydd angen ei gwblhau (wedi’i gadarnhau gan yr Arweinydd Rhaglen).

I gael rhagor o wybodaeth

Gallwch ddod o hyd i ragor o wybodaeth am y cymorth ariannol ychwanegol drwy glicio ar y canlynol:

Egluro Cyllid Myfyrwyr

Play Video about Two individuals sat down in smart clothes discussing a document with only there bodies in the shot

Sut i wneud cais am Gyllid Myfyrwyr

Play Video

Gofal Plant

Mae gennym ganolfan gofal plant groesawgar a chartrefol yn Cambria, Toybox yng Nglannau Dyfrdwy. Gallwn gynnig cymorth ariannol i chi os bydd ei angen arnoch chi. Darllenwch am y feithrinfa a’r hyn y gallant ei gynnig i chi a’ch plentyn isod.

Toybox

Yma ym Meithrinfa Toybox, rydym am wneud yn siŵr eich bod chi a’ch plentyn yn dod i amgylchedd sy’n gynnes a chyfeillgar, a dyna pam rydym yn falch o ddweud ein bod yn cynnig y gofal plant gorau yn y lleoliad harddaf.

Gwybodaeth Ddefnyddiol

Cyfleusterau

Mae gan bob maes yn y feithrinfa gwricwlwm i’w ddilyn, sy’n cynnwys datblygiad personol a chymdeithasol, iaith a llythrennedd, mathemateg, datblygiad corfforol a chreadigol.

Mae gennym bum ystafell ar gyfer pum grŵp oedran gwahanol. Mae ystafell y lindys ar gyfer plant 0-12 mis. Mae’n llawn o deganau confensiynol a gweithgareddau cyfannol fel basgedi trysor, swigod, cerddoriaeth a chwarae dŵr i annog y babanod i archwilio a mwynhau eu hamgylchedd dan do ac yn yr awyr agored.

Mae ein hystafell buchod coch cwta ar gyfer plant 12-18 mis oed. Yno maen nhw’n cael eu hannog i ddod yn fwy symudol trwy chwarae meddal, teganau gwthio ymlaen a rhagor.

Mae plant yn yr ystafell pili-pala (18 mis oed – 2½ oed) yn cael eu hannog i gyfathrebu, chwarae gyda’i gilydd ac i ddod o hyd i’w llais ynghyd â gweithgareddau a rennir fel pobi a chwarae â thywod.

Yn yr ystafell gacwn, mae plant 2½ – 3 oed yn cael ystod eang o gyfleoedd dysgu trwy dywod, chwarae hydrin, llyfrau, chwarae bloc, chwarae archwiliadol, chwarae rôl a symud.

Mae’r plant yn yr ystafell sioncod y gwair (3-5 oed) yn dilyn dysgu Sylfaen, sy’n caniatáu i’ch plant fod yn greadigol, yn ddychmygus ac i gael hwyl wrth ddysgu. Mae hyn yn rhoi sgiliau i blant adeiladu arnynt a datblygu yn barod ar gyfer yr ysgol.

Oriau agor

Ein horiau agor yw:

Dydd Llun – 8.00am – 5.45pm
Dydd Mawrth – 8.00am – 5.45pm
Dydd Mercher – 8.00am – 5.45pm
Dydd Iau – 8.00am – 5.45pm
Dydd Gwener – 8.00am – 5.45pm

Mae Meithrinfa Toybox ar agor trwy gydol y flwyddyn oni bai am Wyliau Banc ac wythnos dros y Nadolig. Sylwch os bydd y feithrinfa ar agor ar Noswyl Nadolig, yr amser cau fydd 1.00pm.

Lleoliadau a chysylltiadau

Rydym wedi ein lleoli ar safle Glannau Dyfrdwy Coleg Cambria. Os oes angen i chi gysylltu â ni ffoniwch 0300 30 30 007 neu anfonwch e-bost at toybox@cambria.ac.uk

Cyllid

Nid ydym am i anawsterau ariannol amharu ar eich addysg. Os ydych chi’n astudio’n llawn amser yng Ngholeg Cambria (neu’n dymuno), os oes gennych chi blant cyn oed ysgol a’ch bod ar incwm isel, efallai y byddwch yn gymwys i gael cymorth ariannol tuag at gostau gofal plant.

Cysylltwch â Gwasanaethau Myfyrwyr ar 0300 30 30 007 neu e-bostiwch gwasanaethaumyfyrwyr@cambria.ac.uk am fanylion y Gronfa Ariannol Wrth Gefn; gallwch wneud cais am gymorth cyn gynted ag y byddwch yn cofrestru ar gwrs llawn amser yng Ngholeg Cambria. Byddwch chi a’ch plentyn mewn dwylo da gyda ni.

Eich Cadw'n Ddiogel

Mae eich diogelwch a’ch llesiant yn y coleg a thu hwnt yn hynod o bwysig i ni pan rydych yn fyfyriwr gyda ni. Rydym am i chi deimlo eich bod yn gallu siarad ag unrhyw aelod o staff os ydych yn teimlo mewn perygl neu os oes gennych chi unrhyw bryderon. Bydd y staff yn eich cynorthwyo chi gan gynnwys cael cymorth gan ein Tîm Diogelu.

Fel coleg mae gennym ddyletswydd i ddiogelu holl blant, bobl ifanc ac oedolion sydd mewn perygl o safbwyntiau eithafol, dylanwad grwpiau terfysgol a pheryglon radicaleiddio. Mae ein Strategaeth Prevent yn trafod ein dull a’n cyfrifoldebau. Mae’n canolbwyntio ar addysg, parch a darparu man diogel i fyfyrwyr drafod materion, gofyn cwestiynau a rhannu eu safbwyntiau a’i nod yw helpu bobl i wybod sut i amddiffyn eu hunain.

Os oes gennych unrhyw bryderon, cysylltwch â’r Tîm Diogelu ar 0300 30 30 009, anfonwch e-bost at Safeguarding@cambria.ac.uk neu dewch draw i Gwasanaethau Myfyrwyr.

Os oes angen cymorth arnoch, gallwch gysylltu â ni yma:

Yng Ngholeg Cambria rydym yn deall pwysigrwydd gweithio’n weithredol er mwyn gwneud ein coleg yn lle cynhwysol, cydradd a chefnogol i bawb. Rydym yn gweithio’n agos gyda’n cymuned amrywiol o ddysgwyr, staff a rhanddeiliaid i sicrhau fod Coleg Cambria yn gynhwysol i bawb. Mae ein Cydlynydd Cydraddoldeb ac Amrywiaeth ar gael i gynorthwyo ein staff a’n dysgwyr gydag unrhyw beth sydd ei angen arnynt i sicrhau eu bod yn ffynnu yma.

Ni waeth pwy ydych chi a beth yw eich nodweddion, rydych chi’n haeddu cael eich trin â pharch, cael cyfleoedd teg wedi’u teilwra a chael eich dathlu am fod yn chi. Ni waeth beth fo’ch hil, crefydd, hunaniaeth rhywedd, oedran, rhywedd, anabledd, dosbarth, statws priodasol, beichiogrwydd neu famolaeth, rydych yn aelod cyfartal, gwerthfawr o’n cymuned.

Rydym wedi ymrwymo i wella ein gwasanaethau yn barhaus i fod yn gynhwysol i bawb. Rydym yn disgwyl i bob aelod o gymuned Coleg Cambria gael eu trin â pharch, ac i drin eraill â pharch. Gweler isod rai o’r ffyrdd y mae staff a myfyrwyr Coleg Cambria yn hyrwyddo cydraddoldeb ac amrywiaeth.

Adlewyrchu'r cymunedau amrywiol rydym yn eu gwasanaethu

Parchu a dathlu pob cefndir a diwylliant

Ddim yn goddef bwlio nac aflonyddu o gwbl

Trin pawb yn gyfartal ac yn deg

Sicrhau bod dysgu ar gael i bawb

Herio rhagfarn

Yr hyn rydym yn gweithio arno

Mae’n hanfodol ein bod yn gweithio’n barhaus tuag at wneud Coleg Cambria y lle mwyaf cynhwysol a chyfartal i bawb. Mae’r dogfennau isod yn nodi ein cynlluniau ar gyfer gwneud hynny, a’r cynnydd yr ydym wedi’i wneud hyd yn hyn.

Cysylltwch

Os hoffech unrhyw gefnogaeth, i gymryd rhan, neu i ddysgu rhagor am gydraddoldeb ac amrywiaeth yng Ngholeg Cambria, cysylltwch â ni equalityanddiversity@cambria.ac.uk

Coleg Cambria yn Hyrwyddo Gwerthoedd Prydeinig

Mae gwerthoedd gorau Prydeinig yn sail i’r holl addysg a’r gweithgareddau yng Ngholeg Cambria. Mae gennym ddyletswydd gyfreithiol i sicrhau bod pob dysgwr yn deall gwerthoedd Prydain a nodir yn Strategaeth Prevent y Llywodraeth.

Democratiaeth

Rheol Gyfreithiol

Rhyddid yr Unigolyn

Parchu Pawb

Goddefgarwch crefyddau a chredoau

Mae ein gwerthoedd yn cynnwys ‘annog a dathlu amrywiaeth’ ac i ‘barchu eraill a’n hamgylchedd’. Mae’r coleg yn ‘fuddsoddwr amrywiaeth’ ac rydyn ni’n annog goddefgarwch crefyddau a chredoau gwahanol yn weithredol drwy ein gwasanaethau caplaniaeth, y system fugeiliol, gweithgareddau’r coleg a phwyllgor cydraddoldeb ac amrywiaeth gweithgar iawn.

Canolfan Brifysgol - Cymorth i Fyfyrwyr

Gwasanaethau Myfyrwyr

Y Llyfrgell A Sgiliau Astudio

Gyrfaoedd a Chyflogaeth

Y Gymraeg

Iechyd Meddwl a Llesiant

Caplaniaeth

Cynhwysiant a Chymorth Dysgu

Cyllid a Chymorth Ariannol

Diogelu a Prevent

Cydraddoldeb ac Amrywiaeth

Cyllid Myfyrwyr

I gael rhagor o wybodaeth

Cysylltwch â ni

Cyfeiriad e-bost

Gwefan gan Lda.

© 2024 Cambria