Y Gymraeg

Mae Coleg Cambria yn falch o fod yn goleg dwyieithog. Mae gan y Gymraeg statws iaith swyddogol yng Nghymru, sy’n rhoi statws gyfartal i’r Gymraeg a Saesneg. Mae gennym restr o safonau a osodwyd gan Gomisiynydd y Gymraeg.

Mae’r safonau hyn yn rhestr o ofynion cyfreithiol sydd â’r bwriad i wella’r gwasanaeth dwyieithog y disgwylir i bobl Cymru ei gael gan Goleg Cambria. Mae’r safonau’n nodi ein cyfrifoldebau’n glir o ran darparu gwasanaeth dwyieithog ac maent wedi’u rhannu i’r categorïau hyn: darpariaeth gwasanaeth, llunio polisi, gweithredol, cadw cofnodion.