Mae peirianneg cerbydau modur yn yrfa dra-medrus ac mae galw mawr amdani. Yma yng Ngholeg Cambria byddwn yn sicrhau bod gennych chi’r sgiliau ar gyfer unrhyw weithle ac y byddwch chi’n gallu meddwl yn gyflym. Byddwch chi’n defnyddio’r dechnoleg ddiweddaraf a bydd gweithwyr proffesiynol y diwydiant yn eich addysgu. Byddan nhw’n eich helpu i ddatblygu eich sgiliau mewn gwasanaethu cerbydau, hyfforddiant diagnosteg ac aerdymheru.

Rydyn ni’n falch o fod yn un o’r canolfannau hyfforddi modurol mwyaf llwyddiannus yn y DU, gan gynnig gwaith cynnal a chadw ac atgyweirio cerbydau ar bob lefel gan gynnwys cymwysterau gosod cyflym a cherbydau hybrid.