Er gwaethaf penawdau a allai fod wedi peri gofid, mae’r coleg wedi cadarnhau nad oes unrhyw beth wedi newid i Gymru, ac mae’r ddarpariaeth prentisiaethau’n parhau yn union fel o’r blaen.

Dywed Rheolwr Ymgysylltu â Chyflogwyr Gari Thomas fod llawer o sefydliadau a phrentisiaid wedi bod yn poeni – yn hollol ddealladwy, am y drafodaeth genedlaethol.

Dywed, er bod yr ardoll yn parhau i fod yn dreth ledled y DU, fod y polisïau sy’n llunio sut mae cyllid sgiliau yn cael ei ddefnyddio yng Nghymru wedi’u datganoli’n llwyr.

“Rydyn ni’n gwybod bod rhai cyhoeddiadau wedi achosi cynnwrf, yn enwedig i ddysgwyr a phrentisiaid oedd yn ofni y gallai eu llwybrau hyfforddi gael eu heffeithio,” meddai Gari.

“Ond y peth cyntaf i’w cofio ydy hyn: mae’r polisi sgiliau wedi’i ddatblygu’n llawn. Dydy’r hyn sy’n newid yn Lloegr ddim yn berthnasol yn awtomatig yng Nghymru.”

Pwysleisiodd Gari y gall cyflogwyr barhau i weithio gyda Choleg Cambria heb unrhyw newid i’r broses, mynediad at gyllid na strwythur y rhaglen.

“Bydd eich rhaglenni prentisiaeth gyda Choleg Cambria yn aros yn union yr un fath,” ychwanegodd.

“Does dim newid i’r ffordd rydych chi’n gwneud cais am hyfforddiant neu’n cyrchu cyllid. Rydyn ni’n parhau i ganolbwyntio ar lwybrau prentisiaeth ystyrlon o safon uchel, sy’n cefnogi anghenion sgiliau Gogledd Cymru.”

Mae tîm Cambria for Business yn parhau i gefnogi sefydliadau ledled y rhanbarth gyda recriwtio prentisiaethau, cynllunio datblygu’r gweithlu a datrysiadau hyfforddi sydd wedi’u cynllunio i uwchsgilio staff presennol.

Dywed y coleg fod ei gynnig i gyflogwyr yn parhau i fod yn sefydlog, yn strategol ac yn cyd-fynd â blaenoriaethau Llywodraeth Cymru, gan sicrhau y gall buddsoddi mewn pobl barhau gyda hyder.

Mae Gari yn credu bod sicrwydd yn hanfodol ar adeg pan allai fod dryswch.

“Er bod y dreth ei hun yn parhau i fod yn dreth ledled y DU, mae’r ffordd mae’r cyllid yma yn cael ei ddefnyddio wedi’i llunio yng Nghymru, ac mae hynny’n parhau heb ei newid,” meddai.

“Yng Ngholeg Cambria, does dim byd wedi newid, a gyda’n gilydd mi wnawn ni barhau i adeiladu’r gweithlu dawnus mae ein rhanbarth ei angen.”

Rydyn ni’n annog cyflogwyr sy’n ansicr ynghylch sut mae eu taliadau ardoll yn cyfrannu at hyfforddiant, neu sydd am gryfhau eu harfaeth sgiliau, i gysylltu â thîm Coleg Cambria i gael arweiniad a chymorth.

Anfonwch e-bost at cyflogwyr@cambria.ac.uk neu ewch i www.cambria.ac.uk.