Cwrs Ymarferydd PRINCE2(R)

Bydd dysgwyr angen mynediad at y rhyngrwyd yn ogystal â chyfrif e-bost Coleg Cambria (wrth i ddysgwyr gofrestru gyda’r coleg byddant yn cael cyfrif gmail). Mae’r dulliau cyflwyno’n gyfuniad o ffrydio’n fyw, rhyngweithio fel grŵp a thasgau unigol.

Mae PRINCE2® yn ddull strwythuredig o reoli prosiectau, y gellir ei addasu i brosiect o unrhyw faint. Mae PRINCE2® yn canolbwyntio ar gyfiawnhad busnes, yn diffinio strwythur sefydliad yn glir ar gyfer y tîm prosiect, ac mae’n defnyddio dull cynllunio sy’n seiliedig ar y cynnyrch. Mae wedi cael ei ddatblygu gan Lywodraeth y Deyrnas Unedig ac yn seiliedig ar arfer orau, ac mae’n feincnod ar gyfer rheolwyr prosiectau a dderbynnir yn rhyngwladol. Gall sefydliadau sy'n integreiddio PRINCE2® i mewn i'w prosiectau fod yn sicr y byddant yn cael eu rheoli’n rhagorol. Bydd unigolion sy’n chwilio am waith fel rheolwyr prosiectau yn gwybod fod ardystiad gan arweinydd y farchnad yn gaffaeliad cadarn i’w portffolio proffesiynol.
Ymarferydd PRINCE2®
Nod yr ardystiad Ymarferydd yw cadarnhau bod yr ymgeisydd wedi ennill dealltwriaeth ddigonol o sut i gymhwyso a theilwra PRINCE2® mewn sefyllfa senario. Dylai Ymarferydd llwyddiannus, gyda chyfarwyddyd addas, allu dechrau cymhwyso’r dull i brosiect go iawn. Mae’r ardystiad yn parhau am 3 blynedd, cyn bydd angen ail-gofrestru. Mae’n rhaid llwyddo ar lefel Sylfaen ar gyfer yr ardystiad Ymarferydd.

Mae’r cwrs hwn yn defnyddio 7fed argraffiad (2023) y maes llafur.

Mae’r gost yn cynnwys yr addysgu, deunydd y cwrs, llawlyfr a’r arholiad (ymgais cyntaf yn unig).
Mae PRINCE2® yn nod masnach gofrestredig AXELOS Limited, ac fe’i defnyddir gyda chaniatâd AXELOS Limited. Cedwir pob hawl. Mae’r logo Swirl™ yn nod masnach gofrestredig AXELOS Limited, ac mae’n cael ei ddefnyddio gyda chaniatâd AXELOS Limited. Cedwir pob hawl