Dewch i gyfarfod yr uwch dîm arwain. Mae ein tîm arwain yn cynnwys ein Prif Weithredwr, Dirprwy Brif Weithredwr – Prif Swyddog Gweithredu, Dirprwy Brif Weithredwr – Profiadau Pobl a Diwylliant, Dirprwy Brif Weithredwr – Pennaeth ac Uwch Reolwyr.
Gyda’i gilydd, maent yn arwain y coleg i gyflawni ein gweledigaeth strategol. Maent yn angerddol iawn am rôl addysg, hyfforddiant a sgiliau fel rhai sy’n llywio datblygiad economaidd a chyfiawnder cymdeithasol yng Ngogledd Ddwyrain Cymru.
Ymunodd Claire â’r coleg yn 2009 fel asesydd gofal plant. Ers hynny mae hi wedi symud ymlaen i wneud sawl swydd wahanol, gan gynnwys Ymarferydd Arweiniol o fewn y tîm Dysgu yn y Gwaith (DYYG) ac ym mis Gorffennaf 2025 fe ddechreuodd Claire ar ei swydd fel Rheolwr Meithrinfa Toybox ar safle Glannau Dyfrdwy.
Mae Claire wedi ymrwymo i ddarparu gofal ac addysg o’r safon uchaf. Mae hi hefyd wedi chwarae rôl mewn addysg a hyfforddiant gan gyfrannu at ddatblygiad proffesiynol o ymarferwyr gofal plant ledled Cymru. Gyda llawer o brofiad mewn amryw o sefydliadau gofal plant mae Claire yn gallu cyfrannu dealltwriaeth ymarferol ac eang o ddatblygu blynyddoedd cynnar i’w gwaith.
Ar ôl dechrau’i yrfa yn gweithio mewn siop fferm yn 17 oed, aeth Matt ymlaen i wneud enw iddo’i hun yn Horseradish Catering yng nghae ras Caer, lle cododd drwy’r rhengoedd i fod yn arweinydd gweithredol yn 2015. Yn ystod y pum mlynedd nesaf, bu Matt yn arwain tîm rheoli arlwyo a groesawai ymhell dros filiwn o ymwelwyr y flwyddyn, ar draws sawl lleoliad. Ymunodd Matt â’r coleg yn gynnar yn 2021. Mae gan Matt brofiad lletygarwch helaeth yn sgil rheoli mewn lleoliadau sy’n cynnwys bwytai, undebau myfyrwyr, canolfannau cynadledda a gwestai.
Mae Sarah wedi gweithio i’r Coleg ers 2012. Mae hi’n rheolwr salon profiadol, ac roedd yn arfer gweithio fel rheolwr sba ac mewn sbas moethus pen ucha’r farchnad ledled y wlad. Mae gan Sarah hanes o weithio ym maes rheoli addysg ac mae ganddi sgiliau rhagorol mewn asesu, sicrhau ansawdd mewnol, annog a datblygu dysgwyr. Mae Sarah yn fentor addysgu a dysgu yn y Coleg hefyd.
