Menu
Menu
Dewch i gyfarfod yr uwch dîm arwain. Mae ein tîm arwain yn cynnwys ein Prif Weithredwr, Dirprwy Brif Weithredwr – Prif Swyddog Gweithredol, Dirprwy Brif Weithredwr – Profiadau Pobl a Diwylliant, Dirprwy Brif Weithredwr – Pennaeth ac Uwch Reolwyr.
Gyda’i gilydd, maent yn arwain y coleg i gyflawni ein gweledigaeth strategol. Maent yn angerddol iawn am rôl addysg, hyfforddiant a sgiliau fel rhai sy’n llywio datblygiad economaidd a chyfiawnder cymdeithasol yng Ngogledd Ddwyrain Cymru.
Cafodd Yana swydd fel Prif Weithredwr Cambria ym mis Ionawr 2020. Cyn hyn bu’n Bennaeth a Phrif Weithredwr yng Ngholeg Hugh Baird yn Lerpwl am 8 mlynedd. Mae Yana wedi bod yn ymwneud â chefnogi’r sector Addysg Bellach ar draws nifer o gyrff lleol a chenedlaethol ers blynyddoedd lawer. Wedi ei magu yng Ngogledd Cymru, aeth Yana i’r ysgol yn yr Wyddgrug ac yna ymlaen i Brifysgol Caerdydd.
Mae Steve wedi gweithio yn Cambria ers 1994 ac mae ganddo flynyddoedd lawer o brofiad fel uwch arweinydd. Mae ganddo brofiad helaeth o arwain prosiectau strategol allweddol, cyflawni strategaeth ystad uchelgeisiol a sicrhau bod cyllid ac adnoddau digonol ar gael i gyflawni amcanion strategol Cambria. Mae Steve yn ceisio dod â gweledigaeth, ysgogiad, profiad a gwelliannau ar draws y Gwasanaethau Corfforaethol a Masnachol. Mae wedi’i hyfforddi’n broffesiynol fel cyfrifydd siartredig.
Mae Cath yn Gymrawd y Sefydliad Siartredig Personél a Datblygu, gyda dros 30 mlynedd o brofiad mewn sectorau amrywiol, gan gynnwys Iechyd, Llywodraeth Leol ac Addysg. Ymunodd â Cambria ym mis Medi 2020 ar ôl bod yn Is-Bennaeth (Pobl, Datblygiad Sefydliadol a Diwylliant) yng Ngholeg Hugh Baird yn Lerpwl. Mae Cath yn atebol am swyddogaethau Adnoddau Dynol, Marchnata, Derbyniadau a Digidol, Gwasanaethau Dysgwyr, a Chanolfannau Adnoddau Dysgu.
Ymunodd Sue â Cambria fel Pennaeth yn 2016. Mae ganddi dros 25 mlynedd o brofiad yn y sector Addysg Bellach ar ôl gweithio mewn sawl coleg yng Ngogledd Orllewin Lloegr. Mae Sue hefyd wedi gweithio yn y Gwasanaeth Sifil yn y Gwasanaeth Prentisiaethau Cenedlaethol a’r Asiantaeth Ariannu Sgiliau. Mae gan Sue gefndir academaidd a galwedigaethol, mae wedi’i hyfforddi’n athrawes ac mae ganddi radd Meistr mewn Rheolaeth Addysgol.
Mae Llinos wedi gweithio yn y Coleg ers 18 mlynedd yn dilyn gyrfa lwyddiannus ym myd teledu a chysylltiadau cyhoeddus. Ymunodd yn wreiddiol fel Darlithydd Astudiaethau Cyfryngau a Chymraeg ac mae wedi bod yn ei rôl bresennol ers creu Coleg Cambria ym mis Awst 2013. Mae gan Llinos brofiad helaeth o gynllunio a pholisi iaith ac mae’n arwain darpariaeth Dysgu Cymraeg Gogledd Ddwyrain ar ran y Ganolfan Dysgu Cymraeg Genedlaethol.
Cafodd Lee-ann ei phenodi i rôl Cymhorthydd Gweithredol yng Ngholeg Cambria ym mis Awst 2013 yn dilyn uno Colegau Glannau Dyfrdwy ac Iâl. Cyn hynny, bu Lee-ann yn gweithio yng Ngholeg Glannau Dyfrdwy mewn nifer o rolau cyn dod yn Gymhorthydd Personol i’r Pennaeth yn 2007. Yn ogystal â darparu cymorth gweinyddol i’r Prif Weithredwr a’r Uwch Dîm Rheoli, mae Lee-ann hefyd yn rheoli’r tîm Cymorthyddion Personol a Thimau Gweinyddol y coleg.
