Croeso cynnes iawn i Goleg Cambria! Yma, fe ddewch o hyd i gyfleusterau rhagorol, technoleg arloesol, a staff arbenigol ysgogol sy’n ymroddedig i’ch llwyddiant. Rydym yn cael ein cydnabod am ein harloesedd a’n harfer gorau sy’n mynd ati i annog pob dysgwr trwy ein dull tra chynhwysol, i astudio mewn amgylchedd lle cewch eich cefnogi i wneud eich gorau glas.
Rydym yn deall y gallai symud o ysgol lai i goleg mwy fod yn brofiad eithaf brawychus, ond gallwch fod yn sicr y byddwn ni gyda chi bob cam o’r ffordd. Rydym yn ymfalchïo’n fawr nid yn unig yn ein haddysg o ansawdd uchel yn yr ystafell ddosbarth a’n cymorth ymroddedig yn y dosbarth, ond hefyd yn y gofal bugeiliol eithriadol a ddarperir gan eich Anogwr Cynnydd personol, gan sicrhau eich bod yn ffynnu drwy gydol eich rhaglen.
Y tu hwnt i’r ystafell ddosbarth, rydym wedi ehangu ein cymorth hollgynhwysol sylweddol i’ch helpu i gyflawni eich nodau. Mae hyn yn cynnwys cymorth wedi’i deilwra ar gyfer eich anghenion unigol gan ein tîm iechyd a llesiant ymroddedig a’n hanogwyr gwydnwch. Mae cofleidio ymddygiadau cadarnhaol, cynhwysiant, a pharch o’r ddeutu yn hanfodol i gymuned ein coleg, ac rydym yn hyrwyddo’r gwerthoedd hyn ym mhopeth a wnawn. Cewch hefyd fynediad at ystod eang o weithgareddau chwaraeon a llesiant am ddim trwy ein rhaglen Cambria Heini, yn ogystal â nifer o gyfleoedd i gymryd rhan mewn clybiau amrywiol a dweud eich dweud trwy fentrau Llais Myfyrwyr.
Er mwyn eich helpu i ddechrau pob diwrnod yn gadarn a dal i ganolbwyntio, gall ein myfyrwyr i gyd fwynhau brecwast am ddim ym mhrif ffreuturau’r coleg ym mhob safle!
Ein nod yn y pen draw yw eich arfogi â’r sgiliau a’r cymwysterau hanfodol a fydd yn eich paratoi ar gyfer dyfodol llwyddiannus ar ôl i chi adael y coleg, os ydych yn bwriadu mynd ymlaen i astudio mewn prifysgol, ymgymryd â phrentisiaeth, neu gychwyn ar yrfa foddhaol. Rydym yma i’ch cefnogi i adeiladu nid yn unig eich cyflawniadau academaidd ond hefyd yr ymddygiadau cadarnhaol a’r parch a fydd o gryn fudd i chi ym mhob agwedd ar fywyd.
Sue Price
Pennaeth
Coleg Cambria
