Mae Llysfasi mewn ardal o harddwch naturiol eithriadol ac mae’n un o’r lleoedd prydferthaf i astudio yn y DU. Rydym wedi ein lleoli ger Rhuthun yn Nyffryn Clwyd, Gogledd Cymru ac rydym yn agos iawn at Swydd Gaer, Swydd Amwythig a Phowys, ac mae’n hawdd cyrraedd Gogledd a Chanolbarth Cymru o’r safle.

Rydym yn arweinwyr y diwydiant ym maes cyrsiau’r tir ac mae gennym enw da ers amser maith mewn Amaethyddiaeth, Peirianneg Amaethyddol, Cefn Gwlad a Choedwigaeth.

Mae Llysfasi yn gartref i’r ganolfan amaethyddiaeth ac addysg newydd gwerth £10 miliwn, sy’n cynnwys wal ddringo, labordai, siop goffi, mannau cyfarfod a chanolfan llesiant.