Tîm Arweinyddiaeth | Cambria Web

Yana Williams

Prif Swyddog Gweithredol

<a href="../chief-executive/?lang=cy">Gweld Cyfarwyddiaeth y Prif Swyddog Gweithredol</a> Daeth Yana yn  Brif Weithredwr Coleg Cambria ym mis Ionawr 2020. Cyn hynny bu’n Bennaeth a Phrif Weithredwr Coleg Hugh Baird yn Lerpwl am 8 mlynedd.  Mae Yana wedi bod yn cefnogi’r sector Addysg Bellach ar nifer o gyrff lleol a chenedlaethol ers blynyddoedd lawer. Wedi’i magu yng Ngogledd Cymru, aeth Yana i’r ysgol yn yr Wyddgrug ac i’r Brifysgol yng Nghaerdydd.
- Steve Jackson
 
 Dirprwy Brif Weithredwr - Prif Swyddog Gweithredol
 
 <a href="../chief-operating/?lang=cy">Gweld Cyfarwyddiaeth y Prif Swyddog Gweithredol</a> Mae Steve wedi gweithio i’r Coleg ers 1994 ac mae ganddo flynyddoedd lawer o brofiad fel uwch arweinydd. Mae ganddo brofiad helaeth o arwain prosiectau strategol allweddol, cyflwyno strategaeth ystadau uchelgeisiol a sicrhau bod cyllid ac adnoddau digonol ar gael i gyflawni amcanion strategol y sefydliad. Mae Steve yn ceisio cyflwyno gweledigaeth, egni a phrofiad a fydd yn sicrhau gwelliannau drwy’r Gwasanaethau Corfforaethol a Masnachol i gyd. Cafodd Steve hyfforddiant proffesiynol i fod yn gyfrifydd siartredig.
- Cath Sullivan
 
 Dirprwy Brif Weithredwr - Profiadau a Diwylliant Pobl
 
 <a href="../people-experiences-and-culture/?lang=cy">Gweld y Gyfarwyddiaeth Profiadau a Diwylliant Pobl</a> Mae Cath yn Gymrawd y Sefydliad Siartredig Personél a Datblygu, gyda dros 30 mlynedd o brofiad mewn sectorau amrywiol, gan gynnwys Iechyd, Llywodraeth Leol ac Addysg. Ymunodd â Choleg Cambria ym mis Medi 2020 ar ôl bod yn Is-bennaeth (Pobl, Datblygu Sefydliadol a Diwylliant) yng Ngholeg Hugh Baird yng Nglannau Merswy. Mae Cath yn atebol am y swyddogaethau Adnoddau Dynol, Marchnata, Derbyniadau a Gwasanaethau Digidol, Gwasanaethau Dysgwyr a’r Canolfannau Adnoddau Dysgu.
- Sue Price
 
 Dirprwy Brif Weithredwr, Pennaeth
 
 <a href="../principal/?lang=cy">Gweld Cyfarwyddiaeth y Prifathro</a> Ymunodd Sue â’r Coleg fel Pennaeth yn 2016. Mae ganddi dros 25 mlynedd o brofiad yn y sector Addysg Bellach ar ôl bod yn gweithio mewn sawl coleg yng Ngogledd Orllewin Lloegr. Mae Sue wedi gweithio hefyd yn y Gwasanaeth Sifil, yn y Gwasanaeth Prentisiaethau Cenedlaethol a’r Asiantaeth Cyllido Sgiliau. Mae ganddi gefndir academaidd a galwedigaethol, cafodd hyfforddiant i fod yn athro ac mae ganddi radd Meistr mewn Rheolaeth Addysgol.