Llwybr (Interniaethau â Chymorth) - Llwybr 4

Mae gan bob myfyriwr Gynllun Dysgu Unigol sy’n cofnodi eu nodau a’u targedau personol. Mae myfyrwyr yn derbyn cymorth 1:1 rheolaidd gan eu tiwtor personol a’r swyddog pontio er mwyn adolygu eu cynnydd a’u cefnogaeth o fewn y lleoliad. Mae targedau unigol yn sicrhau cynnydd tuag at gyrchfannau hirdymor. Gellir cyflawni cymhwyster neu unedau perthnasol hefyd tra byddant ar y rhaglen.

Mae’r rhaglen hon wedi’i chynllunio ar gyfer dysgwyr ag anableddau dysgu a/neu anawsterau y mae angen cymorth arnynt i gael gwaith cyflogedig.

Mae’n addas i ddysgwyr sy’n symud ymlaen o Raglenni Sgiliau Bywyd lefel Mynediad.

Mae Porth i Gyflogaeth wedi’i leoli yn yr amgylchedd gwaith lle mae’r rhan fwyaf o’r rhaglen yn brofiad gwaith ymarferol.

Mae myfyrwyr newydd yn ymgymryd ag asesiad cychwynnol a sesiwn ymsefydlu gynhwysfawr cyn symud ymlaen i raglen profiad gwaith unigol sy’n gysylltiedig â’u targedau a’u huchelgeisiau penodol.

Bydd gan ddysgwyr sy’n addas ar gyfer y cwrs hwn gynllun Addysg (Cynllun Sgiliau Dysgu neu Gynllun Gofal Iechyd Addysg) sy’n manylu ar eu hanghenion dysgu ychwanegol.

Bydd angen i ddysgwyr allu teithio’n annibynnol i leoliadau gwaith.

Deilliant dymunol yr interniaeth yw gwaith cyflogedig.

Efallai y bydd angen prynu offer a/neu wisg ar gyfer rhai cyrsiau.
Gweler y rhestr offer atodedig i gael rhagor o wybodaeth.