Sut i Annog a Mentora yn y Gweithle

Ydych chi’n barod i ddarganfod pŵer trawsnewidiol annog a mentora?

Ymunwch â ni am brofiad addysgiadol ac ymarferol sydd wedi’i lunio i'ch cyflwyno chi i effaith yr arferion hyn mewn datblygiad personol a phroffesiynol - gan ganolbwyntio ar feithrin gwytnwch fel arweinydd.

Beth fyddwch chi’n ei ddysgu
Deall Annog a Mentora: Archwilio’r egwyddorion craidd a'r gwahaniaethau allweddol rhwng annog a mentora.
Buddion a Chymwysiadau: Darganfod sut y gall y dulliau hyn ysgogi twf, llwyddiant a gwytnwch wrth arwain ac mewn bywyd bob dydd.
Gweithgareddau rhyngweithiol: Cymryd rhan mewn ymarferion ymarferol i brofi technegau annog a mentora yn uniongyrchol.
Rôl yr Anogwr a’r Mentor: Cael mewnwelediad i rolau, cyfrifoldebau a rhinweddau hanfodol anogwyr a mentoriaid effeithiol.
Datblygu Sgiliau Allweddol: Cryfhau sgiliau cyfathrebu, gwrando a chwestiynu hanfodol i gefnogi eraill a chi'ch hun yn fwy effeithiol.


Pam dilyn y cwrs?
Archwilio llwybrau gyrfa newydd: Datgloi cyfleoedd gyrfa posibl ym maes annog a mentora sy’n datblygu’n gyflym.
Datblygu gwytnwch: Dysgu sut mae annog a mentora yn helpu’r rhai sydd mewn rôl arwain i fod yn fwy gwydn, hyblyg a hyderus.
Twf personol: Gwella eich perthnasoedd personol a phroffesiynol gyda strategaethau a safbwyntiau newydd.
Dysgu ymarferol: Ennill y sgiliau y gallwch chi eu defnyddio ar unwaith yn eich gwaith ac yn eich bywyd.
Rhwydweithio: Cysylltu â gweithwyr proffesiynol o'r un anian yn ogystal ag ymarferwyr profiadol a hynny mewn amgylchedd cefnogol.


Pwy ddylai ddilyn y cwrs?
Mae'r diwrnod blasu hwn yn ddelfrydol ar gyfer:
Gweithwyr proffesiynol sy’n ysytyried newid trywydd eu gyrfa
Rheolwyr ac arweinwyr tîm sy’n ceisio datblygu sgiliau arwain a gwytnwch
Unigolion sy’n ceisio twf personol ac eisiau gwella eu hunain