Mynediad i Ofal Anifeiliaid

Mae’r cwrs hwn yn rhoi cyflwyniad sylfaenol i ofal anifeiliaid ac yn canolbwyntio ar y gwaith ymarferol, sy’n cael ei gefnogi gan sesiynau dosbarth ar sail theori. Nod y cwrs yw ymestyn ac annog datblygiad sgiliau, gwybodaeth, dealltwriaeth a phrofiad er mwyn gweithio tuag at gael gwaith sy’n ymwneud ag anifeiliaid. Mae’r rhaglen Mynediad 3 wedi’i hanelu at ddysgwyr sydd ag ychydig neu ddim profiad o ofal anifeiliaid. I'r rhai hynny sydd â rhywfaint o brofiad, bydd cyfleoedd i ddatblygu ac ehangu eich gwybodaeth ymarferol a theori ymhellach. Byddwch chi’n helpu i ofalu am yr ystod eang o anifeiliaid yn y coleg.

Bydd y pynciau y byddwch chi’n eu hastudio yn cynnwys iechyd a llesiant anifeiliaid, trin anifeiliaid, bwydo a rhoi dŵr, a llety i anifeiliaid.

Bydd profiad gwaith, ymweliadau a siaradwyr gwadd hefyd yn rhan annatod o'r rhaglen.
Bydd yr adran Gofal Anifeiliaid a’r Ganolfan Bridiau Prin rhagorol yn rhoi cyfle i chi feithrin sgiliau ymarferol gwerthfawr, gyda dros gant o rywogaethau anifeiliaid, gan gynnwys cwningod, moch cwta, llygod mawr, llygod, ieir, hwyaid, ffuredau, defaid, geifr, moch a physgod. Byddwch chi hefyd yn dysgu ystod eang o wybodaeth sylfaenol. Bydd y cyfuniad hwn yn rhoi mantais i chi yn eich llwybr gyrfa ddewisol. Bydd dysgu mor hwyliog â phosibl, a byddwch yn dysgu trwy amrywiaeth o ddulliau gan gynnwys gweithgareddau yn y dosbarth, gwaith unigol ac mewn grwpiau, gwaith ymarferol yn ogystal â defnyddio ystod o dechnoleg dysgu fodern.

Bydd dysgwyr yn canolbwyntio ar ddatblygu sgiliau llythrennedd a rhifedd. Pan fyddant yn barod, byddant yn cael cyfle i ymgymryd â chymwysterau Sgiliau Hanfodol Cymru mewn Cyfathrebu a Chymhwyso Rhif.

Bydd dysgwyr yn cael Anogwr Cynnydd a fydd yn eu helpu trwy gydol eu hamser ar y rhaglen. Bydd yr anogwr yn sicrhau bod unrhyw gymorth Anghenion Dysgu Ychwanegol ar waith cyn i ddysgwyr ddechrau ar eu cwrs. Bydd hefyd yn sicrhau bod unrhyw anghenion newydd am gymorth a fyddai’n gallu ymddangos yn cael eu cynnwys yn eu rhaglen i helpu i’r dysgwyr lwyddo. Cefnogir y cwrs yn llawn i fodloni anghenion unigol a gwahaniaethau dysgu.