Dyfarniad Lefel 2 C&G mewn Cynaliadwyedd a'r Amgylchedd Gwyrdd (7617-02)

Mae’r cymhwyster hwn wedi’i anelu at ddysgwyr sydd eisiau deall arferion gweithio cynaliadwy ar gyfer swydd benodol, swydd yn y dyfodol a hyfforddiant parhaus. Mae’n ddefnyddiol yn enwedig i’r rhai sydd eisiau gweithio mewn cynaliadwyedd neu’r rhai sydd wedi cael cyfrifoldeb dros gynaliadwyedd yn eu sefydliadau. Mae’r cymhwyster wedi’i ddylunio er mwyn cael ei ddefnyddio ar draws pob sector. Mae’r cymhwyster hwn yn addas ar gyfer y rhai sydd eisiau datblygu neu wella eu gwybodaeth a’u dealltwriaeth o Gynaliadwyedd a’r Amgylchedd Gwyrdd mewn ystod o ddiwydiannau a sectorau. Byddai’n ddefnyddiol yn enwedig ar gyfer Swyddogion a’r rhai sydd â chyfrifoldebau am adolygu cynaliadwyedd a chynllunio o fewn busnesau a sefydliadau.

Mae’r cwrs hwn ar gyfer dysgwyr (waeth beth yw eu sector astudio) sydd eisiau datblygu gwybodaeth a dealltwriaeth ynghylch yr amgylchedd, cynaliadwyedd, newid hinsawdd a sero net gan eu bod yn gysylltiedig â dyfodol gwyrdd. Bydd dysgwyr yn archwilio diffiniadau, categorïau, cydrannau ac effeithiau dynol ac an-ddynol yr amgylchedd. Bydd dysgwyr yn archwilio'r diffiniadau, pileri, actorion a thechnolegau gwyrdd sy'n ymwneud â chynaliadwyedd. Byddant yn archwilio pynciau nwyon tŷ gwydr, ffynonellau, targedau a'u heffeithiau ar newid hinsawdd. Bydd dysgwyr yn archwilio'r cyd-destun carbon, ôl troed carbon yn ogystal â pholisi cenedlaethol a rhyngwladol ar sero net.