BIIAB Dyfarniad Lefel 2 ar gyfer Deiliaid Trwyddedi Personol

Mae’r cymhwyster hwn wedi’i anelu at unrhyw un sy’n dymuno gweithio mewn adeiladau trwyddedig sy’n gwerthu alcohol. Byddwch chi’n edrych ar awdurdodau trwyddedig; ar gyfrifoldebau’r deiliad trwydded bersonol; pwerau’r heddlu; hawliau mynediad; gwaharddiadau penodol; pa mor gryf yw diodydd alcoholig; manwerthu alcohol yn gyfrifol; ac amddiffyn plant rhag niwed.

Ar ôl cwblhau’r cwrs yma, bydd gan ymgeiswyr gymhwyster trwyddedu, ac yna gallant wneud cais ar gyfer y Drwydded Bersonol.

Mae'n ofynnol i unrhyw un sy'n awdurdodi gwerthu alcohol i'r cyhoedd (yn unol â'r gofyniad cyfreithiol yng Nghymru a Lloegr) feddu ar gymhwyster addas.

Mae’r cymhwyster yn cynnwys:
● Rolau, cyfrifoldebau a swyddogaethau awdurdodau trwyddedu o fewn fframwaith yr amcanion trwyddedu
● Y broses gwneud cais am drwydded bersonol
● Rôl a chyfrifoldebau cyfreithiol deiliad y drwydded bersonol, a'r cosbau sy'n ymwneud â methu i gydymffurfio â'r
gyfraith
● Trwydded yr adeilad
● Cynnwys a diben yr amserlenni gweithredu
● Rôl a dyletswyddau goruchwyliwr penodedig yr adeilad
● Gweithgareddau trwyddedadwy anawdurdodedig a dros dro
● Hawliau mynediad i adeiladau trwyddedig
● Pwerau'r heddlu o ran atal a chau adeiladau trwyddedig
● Y gwaharddiadau penodol ar gyfer gwerthu alcohol
● Pa mor gryf yw diodydd alcoholig, ac effeithiau alcohol ar y corff dynol
● Amddiffyn plant rhag niwed
● Manwerthu alcohol yn gyfrifol